టాలీవుడ్‌లో అల్లూరి పాత్ర పోషించిన స్టార్ హీరోలు వీళ్లే…!

స్టార్ హీరోలు అన‌గానే స‌హ‌జంగా వాళ్లు పోషించే క్యారెక్ట‌ర్ల‌పై ఆస‌క్తి ఎక్కువుగా ఉంటుంది. చారిత్ర‌క‌, పౌరాణిక‌, సాంఘీక‌, జాన‌ప‌ద నేప‌థ్యంలో స్టార్ హీరోలు పోషించే పాత్ర‌ల్లో వైవిధ్యం ఉంటే ప్రేక్ష‌కుల‌కు ఖ‌చ్చితంగా క‌నెక్ట్ అవుతుంది. అయితే ఈ పాత్ర‌ల్లో బాగా హిట్ అయిన పాత్ర అల్లూరి సీతారామ‌రాజు. సూప‌ర్‌స్టార్ కృష్ణ నుంచి రామ్‌చ‌ర‌ణ్ వ‌ర‌కు అంద‌రూ ఈ పాత్ర పోషించారు. ఇలా అల్లూరి పాత్ర పోషించిన ఆ హీరోలు ఎవ్వ‌రో ఏంటో ఓ లుక్కేద్దాం.

కృష్ణ :
అల్లూరి సీతారామ రాజు జీవిత కథను కృష్ణ అద్భుతంగా తెర‌కెక్కించారు. అస‌లు ఈ పాత్ర‌లో కృష్ణ‌ను త‌ప్ప మ‌రొక‌రిని ఊహించుకోలేం అన్నంత గొప్ప‌గా న‌టించారు. ఈ సినిమాకు వి. రామ‌చంద్ర‌రావు ద‌ర్శ‌కుడు. త్రిపుర‌నేని మ‌హార‌థి క‌థ ఇవ్వ‌గా… కృష్ణ సోద‌రుడు జి. హ‌నుమంత‌రావు నిర్మాత‌. 1974 మే 1న వ‌చ్చిన ఈ సినిమా చ‌రిత్ర క్రియేట్ చేసింది.

ఎన్టీఆర్ :
అల్లూరి సీతారామ రాజు సినిమా చేయాల‌న్న కోరిక ఎన్టీఆర్‌కు బ‌లంగా ఉండేది. అయితే ఆ సినిమాను కృష్ణ చేసేయ‌డంతో చివ‌ర‌కు మేజ‌ర్ చంద్ర‌కాంత్ సినిమాలో ఓ పాట‌లో సీతారామ‌రాజుగా న‌టించిన ఎన్టీఆర్ ఆ కోరిక‌ను తీర్చుకున్నారు. అయితే అల్లూరి గెట‌ప్‌లో ఎన్టీఆర్ అదిరిపోయారు.

బాలకృష్ణ :
న‌ట‌సింహం బాల‌కృష్ణ భారతంలో బాల చంద్రుడు – ఎన్టీఆర్ కథానాయకుడు సినిమాల‌లో అల్లూరి పాత్ర పోషించి మెప్పించారు.

రామ్ చరణ్ :
ఇక ఇటీవ‌ల వ‌చ్చిన పాన్ ఇండియా సినిమా త్రిబుల్ ఆర్‌లో రామ్‌చ‌ర‌ణ్ అల్లూరి పాత్ర‌లో ఆక‌ట్టుకున్నాడు. అస‌లు రామ్‌చ‌ర‌ణ్‌ను ఈ పాత్ర‌లో చూసిన ప్రేక్ష‌కులు ఫిదా అయిపోయారు.