నందమూరి బాలకృష్ణ అఖండ భారీ విజయం తర్వాత ఇప్పుడు మ‌లినేని గోపీచంద్ డైరెక్ష‌న్‌లో సినిమాలో న‌టిస్తోన్న సంగతి తెలిసిందే. క్రాక్ లాంటి బ్లాక్‌బ‌స్ట‌ర్ హిట్ సినిమా తర్వాత మ‌లినేని గోపీచంద్ డైరెక్ట్ చేస్తోన్న సినిమా కావ‌డంతో ఈ క్రేజీ ప్రాజెక్టుపై భారీ అంచ‌నాలే ఉన్నాయి. బాల‌య్య కెరీర్‌లో 107వ సినిమాగా ఈ ప్రాజెక్టు తెర‌కెక్కుతోంది. బాల‌య్య‌కు జోడీగా శృతీహాస‌న్ న‌టిస్తుండ‌గా… వ‌ర‌లక్ష్మి శ‌ర‌త్‌కుమార్ కీల‌క పాత్ర‌లో న‌టిస్తున్నారు.
ఇప్ప‌టికే ఈ సినిమా నుంచి రిలీజ్ అయిన ఫస్ట్ లుక్ స్టిల్స్‌, ఇత‌ర ఫొటోలు సినిమాపై అంచ‌నాలు అమాంతం పెంచేస్తున్నాయి. ఈ క్ర‌మంలోనే ఈ రోజు సినిమా నుంచి అదిరిపోయే మ‌రో ప‌వ‌ర్ ఫుల్ లుక్ రిలీజ్ చేశారు. బాల‌య్య వైట్ డ్రెస్‌లో, గుబురు గడ్డంతో.. క‌ళ్ల‌కు స్టైలీష్ గ్లాసెస్ పెట్టుకుని ఉన్నాడు. అస‌లు లుక్ చూడ‌డానికి ప‌వ‌ర్ ఫుల్ పొలిటిక‌ల్ లీడ‌ర్ లుక్‌గా క‌నిపిస్తోంది.
ఈ లుక్ బ‌య‌ట‌కు రావ‌డంతో ఈ సినిమాపై మ‌రింత ఆస‌క్తి, బ‌జ్ స్టార్ట్ అయ్యింది. అలాగే బాల‌య్య మేకోవ‌ర్‌పై కూడా భారీ అంచ‌నాలే ఉన్నాయి. ఈ తాజా లుక్ ఇటీవ‌ల ముగిసిన క‌ర్నూలు షెడ్యూల్ నుంచి తీసింద‌ని అర్థ‌మ‌వుతోంది. ఇటీవ‌లే క‌ర్నూలులో ఓ శవం ర్యాలీకి సంబంధించిన సీన్ల‌ను ద‌ర్శ‌కుడు గోపీ షూట్ చేశారు. ఈ షెడ్యూల్ ముగియ‌డంతో ఇప్పుడు విదేశాల్లో రెండు పాట‌ల‌తో పాటు హైద‌రాబాద్‌లో నెక్ట్స్ షెడ్యూల్ ప్లాన్ చేస్తున్నారు. ఏదేమైనా తాజా లుక్ అయితే సినిమాపై అంచ‌నాలు అమాంతం పెంచేసింది.
