టాలీవుడ్‌లో సీనియ‌ర్ హీరో విక్ట‌రీ వెంక‌టేష్ వ‌రుస పెట్టి సినిమాలు చేసుకుంటూ వ‌స్తున్నాడు. ప్ర‌స్తుతం వెంకీ న‌టిస్తోన్న నార‌ప్ప, దృశ్యం 2 సినిమాలు రీమేక్‌. ఈ రెండు సినిమాలు క‌రోనా కార‌ణంగా ఓటీటీలో రిలీజ్ చేసేలా డీల్ క్లోజ్ అయ్యింద‌ని టాక్ ? ఇక వెంకీ కోలీవుడ్ హిట్ మూవీ అసుర‌న్‌కు రీమేక్‌గా చేస్తోన్న నార‌ప్ప రిలీజ్‌కు రెడీ కావ‌డంతో పాటు ఈ రోజు సెన్సార్ కంప్లీట్ చేసుకుంది. శ్రీకాంత్ అడ్డాల ద‌ర్శ‌క‌త్వం వ‌హించిన ఈ సినిమా సెన్సార్ వ‌ర్గాల నుంచి యూ / ఏ స‌ర్టిఫికెట్ పొందింది.
ఇంటెన్స్ యాక్షన్ డ్రామాగా తెర‌కెక్కిన నార‌ప్ప లో యాక్షన్, సెంటిమెంట్ పాళ్లు ఎక్కువుగా ఉన్న‌ట్టు చెపుతున్నారు. సీనియ‌ర్ హీరోయిన్ ప్రియ‌మ‌ణి వెంకీ ప‌క్క‌న జోడీగా న‌టించ‌గా.. మ‌ణిశ‌ర్మ మ్యూజిక్ అందించారు. సురేష్ ప్రొడ‌క్ష‌న్ బ్యాన‌ర్‌పై సురేష్ బాబు ఈ సినిమాను నిర్మించారు. ఇక దృశ్యం లాంటి బ్లాక్ బ‌స్ట‌ర్‌కు సీక్వెల్‌గా వ‌స్తోన్న దృశ్యం 2 సినిమా సైతం షూటింగ్ కంప్లీట్ చేసుకుని రిలీజ్‌కు రెడీగా ఉంది.
