నందమూరి మోక్షజ్ఞ సినిమా ఎనౌన్స్ మెంట్ గురించి నందమూరి ఫ్యాన్స్ ఎంతో ఈగర్ గా ఎదురుచూస్తుంటే వాళ్ల ఆశల మీద నీళ్లు చల్లేలా కొన్ని వార్తలు వస్తున్నాయి. నందమూరి వారసుడిగా మోక్షజ్ఞ గ్రాండ్ ఎంట్రీ జరుగనుందని కొద్దిరోజులుగా వార్తలు వస్తున్నాయి. లెజెండ్, గౌతమిపుత్ర శాతకర్ణి సినిమాల్లో మోక్షజ్ఞ నటించాల్సి ఉన్నా కుదరలేదు. ఇక ఇప్పుడు మోక్షజ్ఞ అసలు సినిమాల్లో నటించే ఆలోచనే లేదని వినిపిస్తున్న మాట.
బాలయ్య వారసుడిగా మోక్షజ్ఞ ఎంట్రీ కోసం ఫ్యాన్స్ ఎక్సైటింగ్ గా ఉన్నారు. కాని మోక్షజ్ఞ మాత్రం సినిమాల మీద అంత ఆసక్తి చూపించట్లేదట. ఫారిన్ కంట్రీస్ లో యాక్టింగ్, డ్యాన్స్ లు నేర్చుకుంటున్నాడని కొన్నాళ్లుగా వార్తలు రాగా మోక్షజ్ఞ లుక్ విషయంలో ఎలాంటి మార్పులు రాలేదని తెలుస్తుంది. ఇదిలాఉంటే మోక్షజ్ఞ ఆరు నెలల నుండి ఓ కాఫీ షాప్ లో రెగ్యులర్ గా కనబడుతున్నాడని వార్తలు వస్తున్నాయి.
కాఫీ షాప్ లో ఫ్రెండ్స్ తో బాతాకాని కొడుతున్నాడట. రోజు ఆ కాఫీ షాప్ లోనే కాలక్షేపం చేస్తున్నాడని అంటున్నారు. సినిమాల విషయంలో నిర్ణయం ఏంటన్నది తెలియాల్సి ఉంది. మోక్షజ్ఞ ప్రవర్తనపై నందమూరి ఫ్యాన్స్ లో కంగారు మొదలైంది. ఓ పక్క లుక్ విషయంలో ఎలాంటి జాగ్రత్తలు తీసుకోవట్లేదని వార్తలు వస్తున్నాయి. మరి ఈ నందమూరి వారసుడు ఏం చేస్తాడో చూడాలి.
