టాలీవుడ్ ఐకాన్ స్టార్ అల్లు అర్జున్ ప్రస్తుతం బిజీగా ఉన్నారు. పుష్ప సూపర్ డూపర్ హిట్ అవ్వ‌డంతో అంతకుమించి ఉండేలా దర్శకుడు సుకుమార్ చాలా జాగ్రత్తలు తీసుకుంటున్నారు. ప్రస్తుతం పుష్ప 2 సినిమా కోసం దేశవ్యాప్తంగా ఉన్న సినీ ప్రేమికులు ఎంతో ఆసక్తితో ఎదురు చూస్తున్నారు. డిసెంబర్ 5న పుష్ప 2 రిలీజ్ అవుతున్న సంగతి తెలిసిందే. ఇదిలా ఉంటే పుష్ప 2 పూర్తయిన వెంటనే బన్నీ తర్వాత ప్రాజెక్టుపై అందరి దృష్టి ఉంది. సెల్యులాయిడ్ డైరెక్టర్ త్రివిక్రమ్ శ్రీనివాస్తో బన్నీ జతకట్టమన్నాడు. త్రివిక్రమ్ కు ఇది మొదటి పాన్ ఇండియా సినిమా కావడంతో అందరిలోనూ కథ ఏంటి ? అనేది ఆసక్తి పెరిగింది.
గతంలో త్రివిక్రమ్ – బన్నీ కాంబినేషన్లో వచ్చిన జులాయి – సన్నాఫ్ సత్యమూర్తి – అల వైకుంటపురంలో మూడు సినిమాలు సూపర్ డూపర్ హిట్ అవడంతో ఇప్పుడు వీరిద్దరి కాంబినేషన్లో వ‌స్తోన్న నాలుగో సినిమాపై అంచనాలు మామూలుగా లేవు. ఇక ఈ సినిమా కథ ఏంటి అనేదానిపై ఒక ఇంట్రెస్టింగ్ స్టోరీ బయటకు వినిపిస్తోంది. హిస్టారికల్ ఎలిమెంట్స్ తో పాటు మైథాలజికల్ టచ్ చూపించేందుకు త్రివిక్రమ్ రెడీ అవుతున్నారు. మరోవైపు హిస్టారికల్ వారియర్ ఛంఘీజ్‌ఖాన్‌ జీవిత చరిత్ర ఆధారంగా ఈ సినిమా తెర‌కెక్క‌నున్న‌ట్టు సమాచారం
ఈ సినిమా వచ్చే యేడాది ఏప్రిల్ లో సెట్స్ మీదకు వెళ్లనుంది. హారిక – హాసిని క్రియేషన్స్ – గీత సంస్థలు కలిసి భార్యాభర్తలతో ఈ సినిమా నిర్మిస్తుండగా తమన్‌ సంగీత దర్శకత్వం వహిస్తున్నారు. ఏది ఏమైనా ఫ్యీజులు ఎగిరిపోయే రేంజ్‌లో కథ వినిపిస్తోంది. మ‌రి త్రివిక్రమ్ సినిమాను ఎలా తెర‌కెక్కిస్తాడో ? చూడాలి.
