మెగాస్టార్ చిరంజీవి తెలుగు సినిమా పరిశ్రమంలో తిరుగులేని మహారాజుగా వెలుగొందుతున్నారు. ఆరున్నర పదుల వయసు దాటినా కూడా వరుసగా సినిమాలు చేస్తూ బాక్సాఫీస్ దగ్గర కుర్ర హీరోలకు పోటీ ఇస్తూ దూసుకుపోతున్నారు. చిరంజీవి తమ్ముడు.. అటు వారసుడు.. మేనల్లుళ్లు కూడా సినిమా రంగంలోకి ఎంట్రీ ఇచ్చి స్టార్ హీరోలుగా దూసుకుపోతున్న చిరంజీవి ఎప్పటికీ వారికి పోటీ ఇస్తూ సినిమాలు చేస్తున్నారు. చిరంజీవి కెరీర్ లో రీ ఎంట్రీ ఇచ్చాక అనుకున్న హిట్లు పడలేదు. వాల్తేరు వీరయ్య మాత్రమే చిరంజీవి ఇమేజ్‌కు తగిన సూపర్ డూపర్ హిట్ సినిమాగా నిలిచింది. ఆ వెంటనే భోళా శంకర్ లాంటి పెద్ద డిజాస్టర్ సినిమా పడింది.
అంతకుముందు ఆచార్యతో చిరంజీవి పెద్ద డిజాస్టర్ చూశారు. ప్రస్తుతం మల్లిడి వశిష్ఠ్‌ రెడ్డి దర్శకత్వంలో చిరంజీవి విశ్వంభ‌ర అనే సోషియో ఫాంట‌సీ సినిమా చేస్తున్న సంగతి తెలిసిందే. చిరంజీవి తన కెరీర్ లో ఎంతో మంది హీరోయిన్లతో.. ఎన్నో సినిమాలలో నటించారు.. వారిలో కొందరు స్టార్ హీరోయిన్గా కూడా ఎదిగారు. అయితే ఒక హీరోయిన్ మాత్రం చిరంజీవి పక్కన ఆయనకు భార్యగా నటించింది. మరో విచిత్రం ఏంటంటే ? అదే హీరోయిన్ చిరంజీవికి చెల్లిగా కూడా నటించడం ఇక్క‌డ ట్విస్ట్‌.
ఇంతకు ఆ స్టార్ హీరోయిన్ ఎవరో కాదు లేడీ సూపర్ స్టార్ నయనతార. ఆమె సైరా నరసింహారెడ్డి సినిమాలో చిరంజీవి భార్య అంటే పాత్ర ప్రకారం సైరా నరసింహారెడ్డి భార్య సిద్ధమ్మ పాత్రలో నటించి మెప్పించారు. ఆ తర్వాత వీరిద్దరూ కలిసి గాడ్ ఫాద‌ర్‌ సినిమా చేశారు. ఈ సినిమాలో చిరంజీవి చెల్లెలుగా నయనతార నటించారు. అలా నయనతార లాంటి స్టార్ హీరోయిన్ చిరు పక్కన భార్యగా… చెల్లిగా న‌టించిన అరుదైన ఘ‌న‌త సొంతం చేసుకుంది.
