డైరెక్టర్ క్రిష్ కొన్నేళ్ల క్రితం రమ్య అనే ఒక డాక్టర్ను వివాహం చేసుకున్న సంగతి తెలిసిందే. అయితే పెళ్లి అయిన ఏడాదికే ఈ దంపతుల మధ్య మనస్పర్ధలు రావడంతో వీరిద్దరూ పరస్పర అవగాహనతో విడాకులు తీసుకున్నారు. క్రిష్ వివాహం చేసుకున్న అమ్మాయి హైదరాబాదులో బంజారాహిల్స్ లో ఓ ప్రముఖ కార్పొరేట్ హాస్పిటల్లో డాక్టర్ గా పనిచేస్తున్నారు. రమ్య – క్రిష్‌ది పెద్దలు కుదిర్చిన వివాహం. పూర్తి విషయం ఏంటి అన్నది బయటకు రాకపోయినా ఒక హీరోయిన్ తో క్రిష్ వివాహేతర సంబంధం పెట్టుకుని భార్యకు రెడ్ హ్యాండెడ్‌గా దొరికిపోవడంతో ఆమె భర్తకు విడాకులు ఇచ్చేసింది అన్న ప్రచారం అప్పట్లో వినిపించింది. ఇక లేటెస్ట్ అప్డేట్ ప్రకారం క్రిష్ రెండో వివాహానికి రంగం సిద్ధమైంది. ఆయన వచ్చేవారం ఎంగేజ్మెంట్ చేసుకోబోతున్నారు.
ఆసక్తికరమైన విషయం ఏంటంటే ఈసారి కూడా ఆయన ఒక డాక్టర్ని వివాహం చేసుకోబోతున్నారు. అయితే ఆ డాక్టర్‌కు ఇంతకుముందే పెళ్లయి విడాకులు కూడా తీసుకున్నారు. ఆమెకు 11 ఏళ్ల కుమారుడు కూడా ఉన్నట్టు తెలుస్తోంది. మరో విషయం ఏంటంటే క్రిష్ మాజీ భార్య రమ్య కూ.డా ఒక డాక్టర్ అన్న విషయం తెలిసిందే. ఇక క్రిష్ తనదైన శైలిలో సినిమాలు చేస్తూ దూసుకుపోతున్నారు చివరగా మెగా హీరో వైష్ణవ తేజ్ హీరోగా కొండపొలం అనే సినిమా తెరకెక్కించిన ఆయన… పవర్ స్టార్ పవన్ కళ్యాణ్తో హరిహర వీరమల్లు సినిమా చేస్తూ తప్పుకున్నారు. ఈ సినిమా షూటింగ్ కూడా చాలా వరకు పూర్తయింది.
అయితే పవన్ కళ్యాణ్ అటు రాజకీయాలలో బిజీగా ఉండటం పవన్ కళ్యాణ్ డేట్లు కూడా దొరకపోవడంతో ఈ సినిమా ఇప్పట్లో పూర్తి కాదన్న ఉద్దేశంతో ఈ సినిమా డైరెక్షన్ నుంచి తప్పుకున్నట్టుగా తెలుస్తోంది. ప్రస్తుతం క్రిష్ అనుష్కశెట్టి ప్రధాన పాత్రలో ఘాటి అనే సినిమా తెరకెక్కిస్తున్నారు. ఈ సినిమాకి సంబంధించిన అప్డేట్ కూడా తాజాగానే రిలీజ్ అయింది. ఇక గతంలో అనుష్క – క్రిష్ కాంబినేషన్లో వచ్చిన వేదం విమర్శకుల ప్రశంసలు పొందిన సంగతి తెలిసింది. ఏది ఏమైనా క్రిష్ జాగర్లమూడి రెండవ వివాహానికి సిద్ధమవుతున్నాడు అన్న వార్త ఇప్పుడు సోషల్ మీడియాలో బాగా వైరల్ అవుతుంది.
