టాలీవుడ్ సీనియర్ హీరో విక్టరీ వెంకటేష్ .. టాలీవుడ్ యంగ్ టైగర్ జూనియర్ ఎన్టీఆర్ ఇద్దరు కలిసి ఒకే ఒక సినిమాలో స్క్రీన్ పంచుకున్నారు.. అదే చింతకాయల రవి. వెంకటేష్ హీరోగా వచ్చిన చింతకాయల రవి సినిమాలో ఒక పాటలో జూనియర్ ఎన్టీఆర్ కాలు కదిపి కొన్ని సెకన్ల పాటు రెండు మూడు స్టెప్పులు వేశారు. ఆ తర్వాత వీరిద్దరి కాంబినేషన్లో మల్టీస్టారర్ సినిమా వస్తుందని అనుకున్నా కుదరలేదు. తాజా సమాచారం ప్రకారం విక్టరీ వెంకటేష్.. జూనియర్ ఎన్టీఆర్ ఇద్దరు బంధువులు కాబోతున్నారు. తాజాగా జూనియర్ ఎన్టీఆర్ దేవర సినిమాతో పాన్ ఇండియా రేంజ్ లో భారీ హిట్ అందుకుని మంచి ఫామ్ లో ఉన్న సంగతి తెలిసిందే.
ఈ సినిమా తర్వాత ఎన్టీఆర్ … హృతిక్ రోషన్‌తో కలిసి చేస్తున్న వార్ 2లో బిజీబిజీగా ఉన్నాడు. తాజాగా తారక్ బావమరిది టాలీవుడ్ కి ప‌రిచయమైన యువ హీరో నార్నే నితిన్ మ్యాడ్ – ఆయ్‌ సినిమాలతో బ్యాక్ టు బ్యాక్ సూపర్ హిట్లు కొట్టి మంచి ఫామ్ లో ఉన్నాడు. ఇప్పుడు నార్నే నితిన్ ఒక ఇంటివాడు కాబోతున్నాడు. తనకు కాబోయే భార్య శివానితో కలిసి ఎంగేజ్మెంట్ చేసుకున్నాడు నితిన్. నితిన్ కి కాబోయే భార్య శివానితో పాటు జూనియర్ ఎన్టీఆర్ కుటుంబ సభ్యులు కలిసి దిగిన ఫోటోలు ఇప్పుడు సోషల్ మీడియాలో వైరల్ అవుతున్నాయి.
ఈ యువ జంటకు తారక్ తన ఆశీస్సులు కూడా అందించాడు. హైదరాబాదులో జరిగిన ఈ ఎంగేజ్మెంట్ వేడుకకు ఎన్టీఆర్ – లక్ష్మీ ప్రణతి దంపతులతో పాటు వారి తనయులు అభయ్ రామ్, భార్గ‌వ్‌రామ్‌తో పాటు కళ్యాణ్ రామ్ – వెంకటేష్ తదితరులు కుటుంబ సభ్యులతో కలిసి హాజరై శుభాకాంక్షలు తెలిపారు. ఇదిలా ఉంటే నార్నే నితిన్ కు కాబోయే భార్య శివాని వెంకటేష్ కుటుంబానికి దగ్గర బంధువులు అని తెలుస్తోంది. అలా వెంకటేష్.. జూనియర్ ఎన్టీఆర్ ఇప్పుడు మరింత దగ్గర బంధువులు కానున్నారు.
