చైతుపై రివేంజ్… బ‌న్నీ కోసం సామ్ ఏం చేస్తుందో చూడండి..?

టాలీవుడ్ ఐకాన్ స్టార్ అల్లు అర్జున్ హీరోగా… రష్మిక మందన్న హీరోయిన్గా.. దర్శకుడు సుకుమార్ తెరకెక్కిస్తున్న భారీ పాన్‌ ఇండియా సినిమా పుష్ప‌ పార్ట్ 2 ది రూల్. పుష్ప లాంటి భారీ బ్లాక్ బస్టర్ సినిమాకు సీక్వెల్‌ గా వస్తున్న పుష్ప 2 పై అంచనాలు మామూలుగా లేవు. ఈ సినిమా షూటింగ్ దాదాపు అయిపోయింది. అయితే బన్నీ – సుకుమార్ – దేవిశ్రీప్రసాద్ కాంబినేషన్ అంటేనే ఒక మార్కు అన్న స్పెషల్ సాంగ్ ఉంటుంది. ఇప్పుడు ఈ సాంగ్ పై బాగా ఆసక్తి నెలకొంది. దీనిపై చాలా ఇంట్రెస్టింగ్ రూమర్లు వినిపిస్తున్నాయి. ముందుగా ఈ స్పెషల్ సాంగ్ కోసం బాలీవుడ్ లో క్రేజ్ దృష్ట్యా సాహో భామ శ్రద్ధా కపూర్‌ను తీసుకోవాలని అనుకున్నారు.

ఆ తర్వాత యంగ్ బ్యూటీ శ్రీలీల పేరు కూడా వినిపిస్తోంది. ఆల్రెడీ పుష్ప పార్ట్ 1 లో సమంత ఈ స్పెషల్ సాంగ్ లో మెరిసిన సంగతి తెలిసిందే. ఈ స్పెషల్ సాంగ్‌కు సమంత చాలా ప్లస్ అయింది.. ఆ సాంగ్‌లో ఊ అంటావా మావా అంటూ స‌మంత త‌న అంద చందాల‌తో కుర్ర‌కారును ఊపేసి సినిమా విజ‌యంలో కీ రోల్ ప్లే చేసింది. అయితే ఇప్పుడు తిరిగి స‌మంత‌నే స్వ‌యంగా పార్ట్ 2లో స్పెష‌ల్ సాంగ్ చేసేందుకు గ్రీన్‌సిగ్న‌ల్ ఇచ్చింద‌న్న ప్ర‌చారం జ‌రుగుతోంది. చైతుతో విడాకుల త‌ర్వాత ఆమె పుష్ప 1లో స్పెష‌ల్ సాంగ్ చేసింది.

ఆ సాంగ్ త‌ర్వాత ఆమె క్రేజ్ ఒక్క‌సారిగా పాన్ ఇండియా రేంజ్‌లో పెరిగిపోయింది. ఇప్పుడు శ్రీలీల‌ను తీసుకోవాల‌ని మేక‌ర్స్ ఆలోచిస్తోన్న టైంలో స‌మంతే స్వ‌యంగా ఈ సాంగ్ చేసేందుకు ఒప్పుకుందంటే ఖచ్చితంగా చైతును మించిన క్రేజ్ కోస‌మే ఆమె ఇలా చేస్తోంద‌న్న చ‌ర్చ‌లు సోష‌ల్ మీడియాలో వినిపిస్తున్నాయి. చైతు ఇటీవ‌లే మ‌రో హీరోయిన్ శోభిత ధూళిపాళ్ల‌తో ఎంగేజ్మెంట్ చేసుకున్నాడు. సామ్ ఇంకా సింగిల్‌గానే ఉంది. ఈ స్పెష‌ల్ సాంగ్ చేస్తే పాన్ ఇండియా రేంజ్‌లో మ‌రోసారి పాపుల‌ర్ కావ‌డంతో పాటు చైతును మించిన క్రేజ్ నాది అని ఫ్రూవ్ చేసుకునేందుకే స‌మంత ఇలా ప్లాన్ చేసిందంటున్నారు.