టాలీవుడ్ యంగ్ టైగర్ జూనియర్ ఎన్టీఆర్ తాజాగా నటించిన దేవర సినిమా గత నెల 27న ప్రేక్షకుల ముందుకు వచ్చి సూపర్ డూపర్ హిట్ టాక్ తో దూసుకుపోతుంది. ఈ సినిమాను ఏపీ – తెలంగాణ రెండు తెలుగు రాష్ట్రాలలో ప్రముఖ నిర్మాత సూర్యదేవర నాగవంశీ పంపిణీ చేశారు. సూర్యదేవర నాగవంశీ హోల్ సేల్ గా దేవర ఏపీ – తెలంగాణ హక్కులు కొనుగోలు చేసి ఆయన తన డిస్ట్రిబ్యూటర్ల ద్వారా సినిమాను రిలీజ్ చేశారు. అయితే ఇప్పుడు దేవర సినిమా లాభాల్లోకి వచ్చేసింది. రెండు తెలుగు రాష్ట్రాలలో దేవర సినిమా పంపిణీ చేసిన డిస్ట్రిబ్యూటర్లు అందరు ఇప్పుడు ఛ‌లో దుబాయ్ అనబోతున్నారు.
ఈ ట్రిప్ లో బయ్యర్లతో పాటు నాగ వంశీ అతని స్నేహితులు కూడా ఉంటారని తెలుస్తోంది. ఇదిలా ఉంటే ప్రస్తుతం ఎన్టీఆర్ బాలీవుడ్ కండల వీరుడు హృతిక్ రోషన్ తో కలిసి వార్ 2 సినిమాలో నటిస్తున్న సంగతి తెలిసిందే. ఆ తర్వాత ప్రశాంత్ నీల్ – ఎన్టీఆర్ సినిమా కూడా ఉంది. ఈ రెండు సినిమాలు ముగిసిన తర్వాత త్రివిక్రమ్ – బన్నీ సినిమా కంప్లీట్ అయిన వెంటనే ఎన్టీఆర్ – హారిక హాసిని – త్రివిక్రమ్ కాంబినేషన్లో సినిమా ఫిక్స్ అని తెలుస్తుంది. ఏది ఏమైనా అరవింద సమేత వీర రాఘవ తర్వాత మరోసారి త్రివిక్రమ్ – ఎన్టీఆర్ జతకట్టడం దాదాపు ఫిక్స్ అయినట్టే.
