టాలీవుడ్ సీనియ‌ర్ హీరో నందమూరి బాలకృష్ణ ప్రస్తుతం NBK109 మూవీలో బిజీగా ఉన్నాడు. ఈ సినిమాకు కేఎస్‌. ర‌వీంద్ర ( బాబి ) ద‌ర్శ‌కుడు.. సూర్య‌దేవ‌ర నాగ‌వంశీ.. త్రివిక్ర‌మ్ భార్య సాయి సౌజ‌న్య క‌లిసి ఈ సినిమాను నిర్మిస్తున్నారు. ఈ సినిమా త‌ర్వాత బాలయ్య తన నెక్ట్స్ సినిమా మాస్ చిత్రాల స్పెషలిస్ట్ బోయపాటి శ్రీను డైరెక్షన్‌లో చేయబోతున్న సంగతి తెలిసిందే. వీరిద్దరి కాంబినేషన్‌లో ఇప్ప‌టికే వ‌చ్చిన అఖండ – లెజెండ్ – సింహా మూడు సినిమాలతో హ్యాట్రిక్ విజయాలు అందుకున్నారు. దీంతో వీరిద్దరి కాంబోలో తెరకెక్కబోయే సినిమాపై అప్పుడే అంచనాలు మొదలయ్యాయి.
అస‌లు అఖండ హిట్ అయిన‌ప్పుడే బోయపాటి అఖండ‌కు సీక్వెల్ ఉంటుంద‌ని ప్ర‌క‌టించారు. అప్ప‌టి నుంచే అఖండ 2 గురించి పెద్ద ఎత్తున చ‌ర్చ న‌డుస్తోంది. ఈ క్ర‌మంలోనే ఇప్పుడు ఈ ఇద్దరి కాంబినేషన్‌లో రానున్న అఖండ 2 సినిమాపై దసరా సందర్భంగా ఏదైనా అప్డేట్ ఉంటుందా అని అభిమానులు అందరూ ఎంతో ఎగ్జైట్మెంట్‌తో వెయిట్ చేస్తున్నారు. తాజాగా ఇదే విష‌యంపై సోష‌ల్ మీడియాలో ఓ వార్త చక్కర్లు కొడుతోంది.
బాలయ్య-బోయపాటి కాంబినేషన్‌లో రాబోయే నాలుగో సినిమాను అక్టోబర్ 16న అధికారికంగా పూజా కార్యక్రమాలతో మొదలుపెట్టబోతున్నార‌ని స‌మాచారం. ప్రస్తుతం సోష‌ల్ మీడియాలో దీనిపై ఫ్యాన్స్ ఓ రేంజ్‌లో ట్రెండింగ్ చేస్తున్నారు. BB4 అనే హ్యాష్‌ట్యాగ్‌ను వారు ట్రెండ్ చేస్తున్నారు. ఏదేమైనా అఖండ 2 ఈ యేడాది షూటింగ్ ప్రారంభించి వ‌చ్చే యేడాది ప్రేక్ష‌కుల ముందుకు తీసుకు రానున్నారు.
 ద‌ర్శ‌కుడు.. సూర్య‌దేవ‌ర){kind=link}