తెలిసి చేసిందో ..తెలియక చేసిందో తెలియదు కానీ ..ప్రభాస్ పెద్దమ్మ శ్యామలాదేవి చేసిన కొన్ని కామెంట్స్ ఇప్పుడు మెగా ఫాన్స్ కు మండించేలా ఉన్నాయి . ఎస్ ప్రెసెంట్ ఆమె మాట్లాడిన మాటలు నెట్టింట బాగా వైరల్ గా మారాయి . హైదరాబాద్ ట్యాంక్ బండ్ వద్ద క్షత్రియ సేవా సమితి వారు మన్యం వీరుడు అల్లూరి సీతారామరాజు 127 వ జయంతి వేడుకలను ఘనంగా నిర్వహించారు . శ్యామలాదేవి కూడా ఈ కార్యక్రమానికి హాజరయ్యారు
ఇదే క్రమంలో ఆమె మాట్లాడుతూ అల్లూరి సీతారామరాజు పాత్రలో కృష్ణం రాజు గారు నటించాలి అని అనుకున్నారు.. కానీ కుదరలేదు ఆ తర్వాత కృష్ణ గారు ఆ చిత్రంలో నటించిన మెప్పించారు. అది ఒక అద్భుతమైన చిత్రం.. ఆ సినిమా వచ్చి ఎన్నో ఏళ్లు గడిచిపోయింది.. మరొకసారి అల్లూరి సీతారామరాజుని అందరూ వెండితెరపై చూడాలి అనుకుంటున్నారు . ప్రభాస్ ఫ్యాన్స్ అల్లూరి సీతారామరాజుగా రెబల్ స్టార్ ని చూడాలి అనుకుంటున్నారు.
అదే విషయం నాకు చెప్పారు.. నేను ప్రభాస్ కి చెప్తాను ఏ మాత్రం ఛాన్స్ ఉన్న ప్రభాస్ అల్లూరి సీతారామరాజుగా కనిపిస్తాడు.. ప్రభాస్ సీతారామరాజు పాత్రలో నటిస్తే ఆయన మళ్లీ పుట్టినట్టే ఉంటుంది అంటూ చెప్పుకొచ్చారు. అయితే దీని పట్ల రామ్ చరణ్ ఫ్యాన్స్ మండిపడుతున్నారు . రామ్ చరణ్ ఆర్ఆర్ఆర్ సినిమాలో అల్లూరి సీతారామరాజు గారి పాత్రలో కనిపించాడు. ఆ పాత్రలో చరణ్ తప్ప ఇంకొకరిని ఊహించుకోలేం అంటూ మెగా ఫాన్స్ చెప్తుంటే రెబెల్ స్టార్ ఆ పాత్రలో నటిస్తే ఆయన మళ్లీ జన్మించి వచ్చినట్లే ఉంటుంది అని ప్రభాస్ పెద్దమ్మ మాట్లాడడం చర్చనీయాంసంగా మారింది . దీంతో సోషల్ మీడియాలో ఇప్పుడు ఇదే న్యూస్ హాట్ టాపిక్ గా ట్రెండ్ అవుతుంది..!
