కొత్తగా ఆలోచించే దర్శకుల్లో రవిబాబు ఒకరు. నటుడిగా చేస్తూనే తనకు వచ్చిన ఐడియాను సినిమాగా తెరకెక్కిస్తాడు. ప్రస్తుతం రవిబాబు పందిపిల్ల ప్రధాన పాత్రలో సినిమా చేస్తున్నాడు. ఆ సినిమా టైటిల్ అదుగో. సురేష్ ప్రొడక్షన్ సమర్పణలో ఫ్లయింగ్ ఫ్రాగ్ ఈ సినిమా నిర్మిస్తుంది. మొన్నామధ్య సినిమా టీజర్ తో వచ్చిన రవిబాబు ఇప్పుడు పందిపిల్లకు బ్రష్ చేస్తూ కనిపించాడు.
పందిపిల్లకు బ్రష్ చేస్తూ రవిబాబు ఫన్నీ వీడియో రవిబాబు తండ్రి చలపతి రావు ఫేస్ బుక్ లో షేర్ చేశారు. ఈ సినిమా మీ అందరిని నవ్విస్తుందని.. మీ అందరి ఆశిస్సులు ఈ సినిమాకు ఉంటాయని.. అలా ఉండబట్టే సినిమాలు ఆడుతున్నాయని అన్నారు చలపతి రావు. ప్రస్తుతం పందిపిల్ల అదేనండి తన బంటితో రవిబాబు హంగామా సోషల్ మీడియాలో హంగామా చేస్తుంది.
సినిమా ఎప్పుడో ముగిసినా పెద్ద సినిమాల తాకిడికి కష్టమే అని రిలీజ్ డేట్ కోసం ఎదురుచూస్తున్నారు. పందిపిల్లను హీరోగా పెట్టి ఓ ప్రయోగాత్మక సినిమా చేసిన రవిబాబు అదుగో సినిమాతో ఎలాంటి ఫలితాన్ని అందుకుంటాడో చూడాలి.
