టాలీవుడ్ యంగ్ రెబల్ స్టార్ ప్రభాస్ హీరోగా దర్శకుడు ప్రశాంత్ నీల్ కాంబినేషన్ లో తెరకెక్కించిన మోస్ట్ అవైటెడ్ సినిమా సలార్. ఈ నెల 22న ప్ర‌పంచ వ్యాప్తంగా రిలీజ్ అయిన సలార్ సినిమా బాక్సాఫీస్ ద‌గ్గ‌ర భారీ వ‌సూళ్ల‌తో అద‌ర‌గొడుతోంది. తొలి రోజే ఏకంగా రు. 180 కోట్ల గ్రాస్ వ‌సూళ్లు రాబ‌ట్టిన ఈ సినిమా ఇండియ‌న్ బాక్సాఫీస్ ద‌గ్గ‌ర ఈ యేడాది బిగ్గెస్ట్ డే వ‌న్ ఓపెన‌ర్‌గా నిలిచింది.
అలాగే ఈ సినిమా టోట‌ల్ ఇండియా వైజ్‌గానే కాకుండా యూఎస్ మార్కెట్లో కూడా ప్రభాస్ స్టామినా ఏంటో చూపిస్తోంది. ఈ యేడాదిక యూఎస్‌లో బిగ్గెస్ట్ ప్రీమియ‌ర్స్ అందుకున్న సినిమాగా రికార్డుల్లోకి ఎక్కింది. ఇక యూఎస్‌లో అయితే ఈ వీకెండ్ కంప్లీట్ గా సెన్షేష‌న‌ల్ ర‌న్‌తో దూసుకుపోతోంది. లేటెస్ట్‌గా ఈ సినిమా 4.72 మిలియ‌న్ డాల‌ర్ల‌కు పైగా వ‌సూళ్ల‌ను రాబ‌ట్టిన‌ట్టు తెలుస్తోంది.
ఈ వీకెండ్ నాటికి సలార్ చాలా ఈజీగా 6 మిలియ‌న్ డాల‌ర్ల‌కు పైగా వ‌సూళ్ల‌ను రాబ‌డుతుంద‌ని అంచ‌నా వేస్తున్నారు. ప్రభాస్ కెరీర్‌లో బిగ్గెస్ట్ హిట్ బాహుబ‌లి 2కు అక్క‌డ 20 మిలియ‌న్ డాల‌ర్ల వ‌సూళ్లు వ‌చ్చాయి. ఇక బాహుబ‌లి 1 7 మిలియ‌న్ డాల‌ర్ల‌తో రెండో స్థానంలో ఉంది. సలార్ బాహుబ‌లి 1ను అవ‌లీల‌గా క్రాస్ చేసేస్తోంది. మ‌రి బాహుబ‌లి 2ను క్రాస్ చేస్తుందా ? లేదా ? అన్న‌ది కొద్ది రోజులు ఆగితే కాని తెలియ‌దు.
