టాలీవుడ్‌లో ప్రస్తుతం యంగ్ క్రేజీ బ్యూటీ శ్రీలీల వరుస సినిమాలతో దూసుకుపోతోంది. గత నాలుగు నెలలలో ఆమె నటించిన నాలుగు సినిమాలు ప్రేక్షకులు ముందుకు వచ్చాయి. వచ్చే నెలలో కూడా సంక్రాంతి కానుకగా ఆమె మహేష్ బాబుకు జోడిగా నటించిన గుంటూరుకారం సినిమా విడుదలవుతుంది. ప్రస్తుతం టాలీవుడ్ లో శ్రీలీల క్రేజీ బ్యూటీ అయిపోయింది. ఆమె డేట్ల కోసం హీరోలు, దర్శక, నిర్మాతలు కూడా క్యూలో ఉంటున్నారు. ఇక శ్రీ లీల వ్యక్తిగతం విషయానికొస్తే ఆమె ఏపీలో విజయవాడ మూలాలు ఉన్న అమ్మాయి. ఆమె తండ్రిది విజయవాడ. శ్రీలీల ప్రస్తుతం డాక్టర్ చదువుతోంది.
డాక్టర్ కాబోయి యాక్టర్ అయ్యాను అని చెప్పటం చాలా మంది హీరోయిన్లకు అలవాటుగా ఉండేది.. ఇప్పుడు క్రేజీ హీరోయిన్ శ్రీలీల నిజంగానే డాక్టర్ కాబోతోంది. ఓ పక్క డాక్టర్ చదువుతూ ఆమె సినిమాల్లోకి వచ్చింది. ఇక్కడ ఎంత స్టార్ హీరోయిన్గా ఉన్నా కూడా.. అటు చదువు కూడా కొనసాగిస్తోంది. ఇప్పుడు వైద్య విద్యలో ఫైనల్ ఇయర్ పరీక్షలు రాస్తుంది. ఆ తర్వాత ఆమె డాక్టర్ శ్రీలీల అయిపోతుంది. అయితే ఇంకా హయ్యర్ స్టడీస్ చదవాలంటే మాత్రం కెరీర్ కొనసాగిస్తూ చదవడం కాస్త ఇబ్బందికరమే.. ఇక శ్రీలీల తల్లి కూడా డాక్టర్. ఆమె అమెరికాలో ప్రాక్టీస్ చేసి బాగా సంపాదిస్తున్నారు.
అయితే కూతురు కెరీర్ కోసమే ఆమె ఇండియాకు తిరిగివచ్చారు. అమెరికాలో శ్రీ లీల తల్లికి డాక్టర్‌గా మంచి పేరు ఉంది. ఆమెకు అక్కడ ఎంతో భవిష్యత్తు ఉన్నా తన కూతురుకి కోసం ఆమె తన కెరీర్ త్యాగం చేశారు. ఇక శ్రీలీల ఈనెల 18 నుంచి 24 వరకు ముంబైలో ఫైనల్ ఇయర్ పరీక్షలు రాయబోతుంది. మహేష్ బాబు గుంటూరు కారం సినిమా హిట్ అయితే శ్రీలీలకు వచ్చే ఛాన్స్‌ల సంఖ్య బాగా పెరుగుతుంది. పవన్ కళ్యాణ్ తో ఉస్తాద్‌ భగత్ సింగ్ సినిమా కూడా చేస్తుంది. ఆ తర్వాత కూడా పలు క్రేజీ ప్రాజెక్టులు ఆమె చేతిలో ఉన్నాయి.
