టాలీవుడ్ స్టార్ హీరోల్లో ఒకరైన యంగ్ టైగర్ ఎన్టీఆర్ ప్రస్తుతం కొరటాల శివ దర్శకత్వంలో భారీ పాన్ ఇండియా సినిమా దేవరలో నటిస్తున్నారు. ఈ సినిమాలో ఎన్టీఆర్‌కు జోడిగా బాలీవుడ్ ముద్దుగుమ్మ జాన్వీ కపూర్ హీరోయిన్గా నటిస్తుండగా.. విలన్ గా మరో బాలీవుడ్ హీరో సైఫ్ అలీ ఖాన్ కనిపించునున్నారు. అలాగే మరో బాలీవుడ్ హీరో కూడా ఈ సినిమాలో కీలకపాత్రలో కనిపిస్తాడని తెలుస్తోంది. దేవర రెండు పార్టులుగా రిలీజ్ అవుతుంది. తొలిభాగం వచ్చే ఏడాది సమ్మర్ కానుకగా ఏప్రిల్ 5న పాన్ ఇండియా రేంజ్ లో ప్రేక్షకుల ముందుకు రానుంది.
దీంతో పాటు త్వరలో హృతిక్ రోషన్‌తో కలిసి వార్ 2 సినిమాలో కూడా ఎన్టీఆర్ నటిస్తున్నాడు. ఫిబ్రవరి నుంచి వార్ 2 సినిమా కోసం ఎన్టీఆర్ డేట్లు కేటాయించనున్నాడు. హృతిక్ రోషన్ , ఎన్టీఆర్ ప్రాజెక్టు అంటే దేశవ్యాప్తంగా ఏ రేంజ్‌లో ? అంచనాలు ఉంటాయో చెప్పక్కర్లేదు. వార్ 2 సినిమా తర్వాత ఎన్టీఆర్ ప్రశాంత్ నీల్‌తో సినిమా చేస్తున్న సంగతి తెలిసిందే. ఎన్టీఆర్ కెరీర్ లో 31వ సినిమాగా ఈ సినిమా తెరకెక్కనుంది. తాజాగా ఈ క్రేజీ ప్రాజెక్టు గురించి దర్శకుడు ప్రశాంత్ నీల్ ఓ ప్రముఖ మీడియాతో మాట్లాడుతూ ఎక్స్‌క్లూజివ్ అప్డేట్ అందించారు.
తారక్ తో కలిసి పని చేయడం కోసం తాను ఎంతో ఆసక్తికరంగా వెయిట్ చేస్తున్నానని.. ఈ సినిమా కథ చాలా కొత్తగా ఉంటుందని.. విభిన్న కాన్సెప్ట్ తో పాటు, విభిన్న భావోద్వేగాలతో కూడిన కథను తాను ఈ సినిమా కోసం రెడీ చేసినట్టు తెలిపారు. అయితే ఈ మూవీ యొక్క జానర్ ని తాను ఇప్పుడే బయటకు చెప్పలేనని.. ఒకవేళ ఇది ముందే చెప్తే ఇది యాక్షన్ సినిమాగా ప్రేక్షకులు భావించే అవకాశం ఉందని నీల్ తెలిపారు. ఈ సినిమాలో ఎన్టీఆర్ కి జోడిగా బాలీవుడ్ ముద్దుగుమ్మ ప్రియాంక చోప్రా పేరు హీరోయిన్గా పరిశీలనలో ఉంది.
