శ్రీలీల..టాలీవుడ్ లో ఇప్పుడు బాగా ఫాంలో ట్రెండింగ్ లో ఉన్న కుర్ర హీరోయిన్. ఏ సినిమా లో చూసిన శ్రీలీల కనిపించబోతుంది. ఇటీబల వచ్చిన భగవంత్ కేసరి ఈ బ్యూటీకి మంచి సక్సెస్ ఇచ్చింది. ఇప్పుడు మెగా హీరో పంజా వైష్ణవ్ తేజ్ సరసన నటించిన ఆదికేశవ సినిమాతో ప్రేక్షకులను పలకరించబోతుంది. సెట్స్ మీద గుంటూరు కారం, ఉస్తాద్ భగత్ సింగ్ తో పాటు మరికొన్ని సినిమాలున్నాయి.
ఇంత బిజీగా ఉన్న శ్రీలీల ఈ ఊపు ఇంకో రెండేళ్ళే అని చెప్పుకుంటున్నారు. ఎందుకంటే నటించిన సినిమాలలో ఇప్పటి వరకూ ధమాకా, భగవంత్ కేసరి మాత్రమే సక్సెస్ సాధించాయి. మొదటి సినిమా పెళ్లి సందడి, మూడవ సినిమా స్కంద డిజాస్టర్స్. తాజాగా ఈ రోజు రిలీజ్ అయిన ఆదికేశవ కూడా ఫ్లాప్ అనే మాట వినిపిస్తోంది.
హరీష్ శంకర్ దర్శకత్వంలో తెరకెక్కుతున్న ఉస్తాద్ భగత్ సింగ్, త్రివిక్రం శ్రీనివాస్ దర్శకత్వంలో తెరకెక్కుతున్న గుంటూరు కారం సినిమాల మీదే అంచనాలు ఉన్నప్పటికీ వీటిలో శ్రీలీల కి ఉండే ఇంపార్టెన్స్ ని బట్టే ఆ తర్వాత వచ్చే అవకాశాలు ఆధారపడి ఉంటాయి. ఈలోపు ఇండస్ట్రీకి కొత్త హీరోయిన్స్ రావచ్చు. లేదంటే మనవాళ్ళకే శ్రీలీల అంటే బోర్ కొట్టొచ్చు.
సక్సెస్ లేదు కాబట్టి నెమ్మదిగా పక్కన పెట్టే అవకాశమూ ఉంది. ఈ మధ్యలో శ్రీలీల మంచి కథలను ఎంచుకుంటూ కెరీర్ ని చాలా ప్లాండ్‌గా సెట్ చేసుకోవాలి. లేదంటే ఇప్పుడు చేతిలో ఉన్న సినిమాలు కంప్లీట్ అయితే ఇక సర్దుకొని ఇంటికెళ్లి తన సినిమాలన్నీ తిరగేస్తూ కూర్చోవాల్సిందే. ఇలాంటి అనుభవాలు టాలీవుడ్ లో అలా వచ్చి ఇలా వెళ్లిపోయిన చాలా మంది హీరోయిన్ల‌కి ఉన్నాయి. మరి ఆ లిస్ట్ లో శ్రీలీల ఉంటుందా అనేది చూడాలి.
