టాలీవుడ్ సూపర్ స్టార్ మహేష్ బాబు దర్శకధీరుడు రాజమౌళి కాంబినేషన్లో సినిమా కోసం 20 సంవత్సరాలుగా టాలీవుడ్ సినీ జనాలు ఎంతో ఆసక్తితో ఎదురుచూస్తున్నారు. ఈ సినిమా ఎప్పుడు స్టార్ట్ అవుతుంది ? ఎప్పుడు రిలీజ్ అవుతుందని మహేష్ ఫ్యాన్స్ అయితే ఎంతో ఉత్కంఠతో ఉన్నారు. ప్రస్తుతం మహేష్ బాబు త్రివిక్రమ్ శ్రీనివాస్ దర్శకత్వంలో గుంటూరు కారం సినిమాలో నటిస్తున్నారు. ఈ సినిమా వచ్చే సంక్రాంతికి రిలీజ్ అవుతుంది. ఆ వెంటనే మహేష్ – రాజమౌళి సినిమా సెట్స్ మీదకు వెళుతుంది.
ఈ సినిమా ఆఫ్రికా అడవుల్లోని బ్యాక్ డ్రాప్‌తో అడ్వెంచర్ థ్రిల్లర్‌గా తెరకెక్కుతుందని స్టోరీ రైటర్ విజయేంద్రప్రసాద్ ఇప్పటికే ప్రకటించిన సంగతి తెలిసిందే. విజయేంద్రప్రసాద్ స్క్రిప్ట్ వర్క్ కూడా పూర్తి చేశారట. ఇక విజయేంద్రప్రసాద్ రాసిన కథలో హీరోయిన్ పాత్ర చాలా కీలకమని.. అందుకే ఆ పాత్రలో ఓ స్టార్ హీరోయిన్ నటిస్తే బాగుంటుందని మేకర్స్ ఫీల్ అవుతున్నట్టు తెలుస్తోంది.
పైగా ఇప్పుడు రాజమౌళి సినిమాలో అన్ని పాన్ ఇండియా, పాన్ వరల్డ్ రేంజ్‌లో తెరకెక్కుతున్నాయి. ఆర్‌ఆర్ఆర్ సినిమాకు ఆస్కార్ అవార్డు రావడంతో రాజమౌళిపై మరింత బాధ్యత పెరిగింది. అందుకే క్యాస్టింగ్ విషయంలో ఎక్కడా రాజీ పడకుండా నేషనల్ క్రేజ్‌ ఉన్న హీరోయిన్లనే తీసుకుంటున్నారు. ఈ సినిమాకు ఓ బాలీవుడ్ స్టార్ హీరోయిన్ పేరు పరిశీలిస్తున్నట్టు తెలుస్తోంది. ఈ సినిమా గురించి మరో ఇంట్రస్టింగ్ వార్త బయటకు వచ్చింది.
ఈ సినిమా రెండు పార్ట్‌లుగా రాబోతుందని.. అందుకు తగినట్టుగా రచయిత విజయేంద్రప్రసాద్ కథ రెడీ చేశారని తెలుస్తోంది. ఇప్పటికే మహేష్ బాబు రేంజ్ హీరోలు బన్నీ పుష్పను రెండు పార్ట్‌లుగా మన ముందుకు తెస్తున్నారు. త్వరలో రిలీజ్ అవుతున్న ఎన్టీఆర్ దేవర కూడా రెండు పార్టీలుగా రాబోతుంది. ఇప్పుడు మహేష్ – రాజమౌళి సినిమా కూడా రెండు పార్టులుగా ప్రేక్షకుల ముందుకు రాబోతుంది. ఇక టాలీవుడ్ లో ఇది సరికొత్త ట్రెండ్ గా చెప్పాలి.
