నందమూరి నట‌సింహం బాలకృష్ణ హీరోగా కాజల్ అగర్వాల్ హీరోయిన్గా యంగ్ క్రేజీ బ్యూటీ శ్రీలీల కీలకపాత్రలో దర్శకుడు అనిల్ రావిపూడి తెరకెక్కించిన బ్లాక్ బస్టర్ భగవంత్ కేసరి. దసరా కానుకగా గత నెల 19న థియేటర్లోకి వచ్చిన ఈ సినిమా బాలయ్య కెరీర్‌లో హ్యాట్రిక్‌ ఘనవిజయంగా నిలిచింది. ఈ సినిమా ఇప్పటికే రూ.140 కోట్లకు పైగా గ్రాస్ వ‌సూళ్లతో పాటు రూ.70 కోట్లకు పైగా షేర్ కొలగొట్టింది.
ఈ సినిమా మేకర్స్ ఇప్పటికే సక్సెస్ యాత్ర కూడా స్టార్ట్ చేశారు. భగవంత్ కేసరి విజయవంతంగా మూడో వారంలోకి ఎంటర్ అయ్యింది. ఇక లేటెస్ట్ గా ఈ సినిమా మేకర్స్ గ్రాండ్ సక్సెస్ సెలబ్రేషన్ ఈవెంట్ ప్లాన్ చేశారు. ఈ నెల 9న హైద‌రాబాద్ జెఆర్సీ క‌న్వెన్ష‌న్ ఇందుకు వేదిక కానుంది. ఈ సినిమా విజయోత్సవాలు ఆరోజు సెలబ్రేట్ చేస్తున్నట్లు కన్ఫర్మ్ చేశారు. దీంతో సినిమా యూనిట్ భగవంత్ కేసరి సక్సెస్ ఒక రేంజ్ లో ఎంజాయ్ చేస్తున్నారని చెప్పాలి.
షైన్ స్క్రీన్ బ్యానర్ పై హరీష్ పెద్ది, సాహు గారపాటి సంయుక్తంగా నిర్మించిన ఈ సినిమాకు మ్యూజిక్ సెన్సేష‌న్‌ థ‌మన్ సంగీతం అందించారు. ఇక బాలయ్య తన తర్వాత సినిమాను బాబీ దర్శకత్వంలో నటిస్తున్న సంగతి తెలిసిందే. సూర్యదేవర నాగ వంశీ ఈ సినిమాను నిర్మిస్తున్నారు. ఇది బాలయ్య కెరీర్‌లో 109వ సినిమాగా తెర‌కెక్కుతోంది.
