టాలీవుడ్ ఇండస్ట్రీలో మాస్ మహారాజా గా పేరు సంపాదించుకున్న రవితేజ తాజాగా నటిస్తున్న సినిమా ఈగల్ . రీసెంట్ గానే ఆయన దసరాకి “టైగర్ నాగేశ్వరరావు ” అనే సినిమాతో వచ్చి ఆడియన్స్ ని పలకరించాడు . కానీ అభిమానులు అనుకున్నంత సక్సెస్ కొట్టలేకపోయాడు. ఈ క్రమంలోనే రీసెంట్గా గోపీచంద్ మల్లినేని దర్శకత్వంలో ఓ సినిమా చేయడానికి ఫిక్స్ అయ్యాడు .
కాగా మాస్ మహారాజా రవితేజ కార్తీక్ ఘట్టమనేని దర్శకత్వంలో చేస్తున్న “ఈగల్” సినిమాపై అభిమానులు ఎక్స్పెక్టేషన్స్ పెంచేసుకున్నారు. ఈ సినిమా సంక్రాంతికి రిలీజ్ కానుంది. ఇప్పటికే షూటింగ్ పూర్తి అయిపోయింది . పోస్ట్ ప్రొడక్షన్ పనులు జరుగుతున్నాయి . అయితే కొద్దిసేపటి క్రితమే ఈ సినిమాకి సంబంధించిన టీజర్ ని రిలీజ్ చేశారు మేకర్స్. ఆ వీడియో చూసిన తర్వాత సినిమా మొత్తం సస్పెన్స్ యాక్షన్ ధ్రిల్లర్గా తెరకెక్కబోతుంది అని అర్థం అయిపోయింది .
అంతేకాదు ఇప్పటివరకు మనం రవితేజన్ని చూసింది ఒక లెక్క .. ఈ సినిమాలో చూడబోయేది మరో లెక్క అంటూ తెలిసిపోయింది. అభిమానులు ఎలా అయితే రవితేజను చూడాలి అనుకుంటున్నారు అదే విధంగా రవితేజను చూపించాడు కార్తీక్ ఘట్టమనేని అనే విషయం చిన్న టీజర్ తోనే అర్థమయిపోయింది . టీజర్ లో రవితేజ గురించి చాలా చాలా గొప్పగా చెప్పారు . ఇందులో రవితేజ లుంగీ కట్టి తుపాకీ పట్టి మరింత ఊర నాటు మాస్ గా కనిపించాడు. ఈ సినిమాలో అనుపమ పరమేశ్వరన్ – కావ్య ధాపర్ హీరోయిన్స్ గా నటిస్తున్నారు. మధుబాల , నవదీప్ ముఖ్యపాత్రలో నటిస్తున్నారు . జనవరి 13వ తేదీ సంక్రాంతి కానుకగా ఈ సినిమా రిలీజ్ కాబోతుంది. చూద్దాం మరి ఈ సినిమాతో రవితేజ ఎలాంటి హిట్ తన ఖాతాలో వేసుకోబోతున్నాడో..?
