దేవ‌ర నుంచి మ‌రో లీకు… ఎన్టీఆర్ కొత్త లుక్ చూశారా ( ఫొటో)

గ్లోబల్ యంగ్ టైగర్ జూనియ‌ర్‌ ఎన్టీఆర్ హీరోగా.. బాలీవుడ్ క్రేజీ హీరోయిన్‌ జాన్వీ కపూర్ హీరోయిన్ గా దర్శకుడు కొరటాల శివ తెరకెక్కిస్తున్న భారీ పాన్ ఇండియా సినిమా దేవర‌. భారీ హంగుల‌తో హాలీవుడ్ స్టైల్లో తెర‌కెక్కిస్తోన్న ఈ ప్ర‌తిష్టాత్మ‌క సినిమాక ఏకంగా రు. 300 కోట్ల భారీ బ‌డ్జెట్‌తో తెర‌కెక్కుతోంది. దేవ‌ర 1,2 పార్టులుగా ప్రేక్ష‌కుల ముందుకు వ‌స్తోంది. దేవ‌ర 1 వ‌చ్చే యేడాది స‌మ్మ‌ర్ కానుక‌గా ఏప్రిల్ 5న థియేట‌ర్ల‌లోకి రానుంది.

ఇక ఈ సినిమా కోసం అభిమానులు ఎంతో ఆస‌క్తితో వెయిట్ చేస్తున్నారు. ఇక ఈ సినిమా కోసం ద‌ర్శ‌కుడు కొర‌టాల హాలీవుడ్ మేకింగ్ స్టైల్ ఫాలో అవుతున్నాడు. తాజాగా ఎన్టీఆర్ ట్రై చేసిన కొత్త మేకోవ‌ర్ కూడా కేవ‌లం ఎన్టీఆర్ అభిమానుల‌నే కాకుండా… చాలా మంది సినీ అభిమానుల‌ను కూడా ఆశ్చ‌ర్య‌ప‌రుస్తోంది. తాజాగా ఎన్టీఆర్ గోవా వెళ్ల‌గా అక్క‌డ లీక్ అయిన కొన్ని విజువ‌ల్స్ ఇప్పుడు సోష‌ల్ మీడియాలో బాగా వైర‌ల్ అవుతున్నాయి.

ఈ స‌రికొత్త లుక్స్‌లో ఎన్టీఆర్ చాలా డైన‌మిక్‌గా క‌నిపిస్తున్నాడు. ఈ పిక్స్ అలా బ‌య‌ట‌కు వ‌చ్చాయో లేదో ఎన్టీఆర్ ఫ్యాన్స్ అలా వైర‌ల్ చేసేస్తున్నారు. ఈ భారీ బ‌డ్జెట్ సినిమాకు అనిరుధ్ ర‌విచంద్ర‌న్ సంగీతం అందిస్తున్నారు. ఎన్టీఆర్ ఆర్ట్స్‌, యువ‌సుధా ఆర్ట్స్ బ్యాన‌ర్ల‌పై నంద‌మూరి క‌ళ్యాణ్‌రామ్‌, మిక్కిలినేని సుధాక‌ర్ సంయుక్తంగా ఈ సినిమాను నిర్మిస్తున్నారు.