మెగాస్టార్ చిరంజీవి స్నేహానికి ఎంత ప్రాధాన్యం ఇస్తారో చెప్పక్కర్లేదు. ఆయన స్నేహానికి విలువ ఇస్తూ చేసిన సినిమా స్నేహంకోసం చిరంజీవి ద్విపాత్రభినయం చేసిన ఈ సినిమా బాక్సాఫీస్ దగ్గర సూపర్ హిట్ అయింది. చిరంజీవి చాలాసార్లు ఎంతోమందికి ఎన్నోసార్లు చేస్తూ ఉంటారు. తన ఆపన్న హస్తాన్ని అందిస్తుంటారు. అయితే వీటిలో చాలా వరకు బయటకు రావు. తాజాగా ఆయన తన చిన్ననాటి స్నేహితుడుకి ఎంతో సాయం చేశారు.. ఈ విషయం బయటికి రాలేదు.. అయితే ఓ వ్యక్తి సోషల్ మీడియాలో దీనిని పోస్ట్ చేయడంతో ఇది బయటకు వచ్చింది.
ప్రస్తుతం చిరంజీవి తన 157 వ సినిమాతో బిజీగా ఉన్న సంగతి తెలిసిందే. ఈ క్రమంలోనే ఆయన హైదరాబాదులోని అపోలో ఆసుపత్రిలో కనిపించారు. చిరంజీవి ఎవరి కోసం ? అక్కడికి వెళ్లారా అన్న ఆసక్తి సహజంగానే ఉంటుంది. చిరంజీవి చిన్నప్పుడు మొగల్తూరులో పెరిగారు. అక్కడ ఉన్నప్పుడు చాలామంది స్నేహితులు ఉండేవారు. అందులో పువ్వాడ రాజా ఒకరు. తాజాగా ఆయన అనారోగ్యానికి గురయ్యారు. ఈ విషయం తెలుసుకున్న చిరంజీవి మర్చిపోలేని సాయం చేశారు.
తన స్నేహితుడు అనారోగ్య సమస్య తెలుసుకొని హైదరాబాద్ అపోలో చికిత్స ఏర్పాటు చేశారు. ఈ క్రమంలోనే చిరు స్వయంగా ఆస్పత్రికి వెళ్లి తన చిన్ననాటి స్నేహితుడు రాజాని కలిశారు. ధైర్యం చెప్పారు. డాక్టర్ తో మాట్లాడి స్నేహితుడు ఆరోగ్య పరిస్థితి గురించి ఆరా తీశారు. ప్రస్తుతం ఈ ఫోటోలు సోషల్ మీడియాలో వైరల్ అవుతున్నాయి.
ఇక చిరు సినిమాల గురించి మాట్లాడుకుంటే ఈ ఏడాది సంక్రాంతికి వాల్తేరు వీర‌య్య సినిమాతో బాక్సాఫీస్ దగ్గర సూపర్ డూపర్ హిట్ కొట్టారు. ఆగస్టు భోళాశంకర్ తో ఘోరమైన డిజాస్టర్ చూశారు. ప్రస్తుతం బింబిసారా దర్శకుడు మల్లిడి వశిష్ట దర్శకత్వంలో సోషియో ఫాంటసీ సినిమాలో నటిస్తున్నారు. ఈ సినిమాలో ఐదుగురు హీరోయిన్లు ఉంటారు. డిసెంబర్ నుంచి రెగ్యులర్ షూటింగ్ ప్రారంభం కానుంది.
