కోలీవుడ్ స్టార్ హీరో, ఇళయ దళపతి విజయ్ హీరోగా త్రిష కృష్ణన్ హీరోయిన్ గా కోలీవుడ్ టాలెంటెడ్ దర్శకుడు లోకేష్ కనగరాజ్ తెరకెక్కించిన భారీ బ‌డ్జెట్ సినిమా లియో. గ‌తేడాది క‌మ‌ల్‌హాస‌న్‌తో విక్ర‌మ్ సినిమా తెరకెక్కించిన లోకేష్ కనగరాజ్ ఎల్‌యూసీలో భాగంగా ఈ సినిమా తెర‌కెక్కించాడ‌న్న ప్రచారంతో ఈ సినిమా హైప్ మామూలుగా లేవు. కేవ‌లం రిలీజ్‌కు ముందు రోజు అడ్వాన్స్ బుకింగ్‌ల‌తోనే రు. 100 కోట్ల షేర్ వ‌చ్చిన‌ట్టు ట్రేడ్ వ‌ర్గాల టాక్ ?
దీనిని బ‌ట్టే లియోపై అంచ‌నాలు ఏ రేంజ్లో ఉన్నాయో తెలుస్తోంది. ఇదిలా ఉంటే తెలుగు రాష్ట్రాల్లో కూడా లియో ప్రీ సేల్స్ భారీ ఎత్తున జ‌రిగాయి. తొలి రోజు చాలా చోట్ల నిన్న‌టికే టిక్కెట్స్ అయిపోయాయి. ఇదిలా ఉంటే కేవ‌లం తొలి రోజునే రెండు తెలుగు రాష్ట్రాల్లో క‌లుపుకుంటే ఈ సినిమా రు. 15- 17 కోట్ల రేంజ్లో గ్రాస్ వ‌సూళ్లు కొల్ల‌గొడుతుంద‌ని తెలుస్తోంది.
ఇప్ప‌టికే రు. 8 కోట్ల రేంజ్లో షేర్ వ‌చ్చేసిన‌ట్టు తెలుస్తోంది. తొలి రోజు షేర్ రు. 8 – 10 కోట్ల రేంజ్లో ఉండ‌నుంది. ఇది విజయ్ – లోకేష్ కనగరాజ్ కెరీర్ లోనే చాలా టాప్ అని చెప్పాలి. రీసెంట్‌గా వ‌చ్చిన డ‌బ్బింగ్ సినిమాల్లో కూడా ఫ‌స్ట్ డే వ‌సూళ్ల‌లో లియో సెన్షేష‌న‌ల్ రికార్డులు క్రియేట్ చేయ‌డం ఖాయంగా క‌నిపిస్తోంది.
