బాలీవుడ్ స్టార్ హీరో ర‌ణ‌బీర్ కపూర్, నేష‌న‌ల్ క్ర‌ష్మిక ర‌ష్మిక మంద‌న్న జంట‌గా న‌టిస్తోన్న సినిమా యానిమల్. తెలుగు ద‌ర్శ‌కుడు సందీప్‌రెడ్డి వంగ డైరెక్ట్ చేస్తోన్న ఈ సినిమా త్వ‌ర‌లోనే రిలీజ్‌కు రెడీ అవుతోంది. భారీ యాక్ష‌న్ థ్రిల్ల‌ర్‌గా తెర‌కెక్కుతోన్న యానిమ‌ల్‌పై బాలీవుడ్‌తో పాటు ఇటు సౌత్‌లో భారీ అంచ‌నాలు ఉన్నాయి.
ఈ సినిమాలో బాలీవుడ్ సీనియ‌ర్ హీరోలు అనిల్ కపూర్, బాబీ డియోల్ కూడా కీల‌క పాత్ర‌ల్లో న‌టిస్తున్నారు. ఈ సినిమా ప్రి టీజ‌ర్‌ను మేక‌ర్స్ ఇప్ప‌టికే రిలీజ్ చేయ‌గా.. తాజాగా మేక‌ర్స్ మ‌రో ఇంట్ర‌స్టింగ్ మ్యాట‌ర్ కూడా రివీల్ చేశారు. ఓ ప్రి రొమాంటిక్ పోస్టర్ బ‌య‌ట‌కు వ‌దిలారు. యానిమల్ ఫ‌స్ట్ సింగ‌ల్ రిలీజ్ గురించి అప్‌డేట్ ఇవ్వ‌డంతో పాటు ఫ‌స్ట్ సాంగ్ అక్టోబ‌ర్ 11న రిలీజ్ చేస్తున్న‌ట్టు ప్ర‌క‌టించారు.
తెలుగులో అమ్మాయి అనే టైటిల్‌తో పాటు ఈ సాంగ్ రిలీజ్ కానుంది. తాజా పోస్ట‌ర్‌లో ర‌ణ‌బీర్ – ర‌ష్మిక మూతిముద్దు ఇచ్చుకుంటోన్న పోస్టర్ బ‌య‌ట‌కు వ‌దిలారు. ఇది సోష‌ల్ మీడియాను ఇప్పుడు పిచ్చ‌పిచ్చ‌గా షేక్ చేస్తోంది. ర‌ష్మిక – ర‌ణ‌బీర్ ఆకాశంలో లిప్ లాక్ చేసుకుంటోన్న పోస్టర్ వ‌దిలారు. అయితే నెటిజ‌న్లు ఈ ఫొటోను అర్జున్ రెడ్డి సినిమాలో షాలిని పాండే – విజ‌య్ మూతిముద్దు పెట్టుకుంటోన్న పోస్ట‌ర్‌తో కంపేరిజ‌న్ చేస్తున్నారు.
అప్పుడు ఆ పోస్ట‌ర్‌తో అర్జున్‌రెడ్డి సినిమాపై అంచ‌నాలు పెంచేసిన విజ‌య్ ఇప్పుడు ఈ సినిమాతోనూ లిప్‌లాక్ సీన్ సెంటిమెంట్ తో సినిమాపై అంచ‌నాలు పెంచేసిన‌ట్టుగానే ఉంది. యానిమల్ సినిమా డిసెంబ‌ర్ 1, 2023న ప్ర‌పంచ వ్యాప్తంగా రిలీజ్ అవుతోంది. ఇండియాలోనే ఐదు భాష‌ల్లో ఈ సినిమా రిలీజ్ అవుతోంది.
