నందమూరి నట‌సింహం బాలకృష్ణ హీరోగా అనిల్ రావిపూడి దర్శకత్వంలో తెర‌కేక్కిస్తున్న మాస్ యాక్షన్ ఎంటర్టైనర్ భగవంత్ కేసరి. ఈ సంక్రాంతికి వీరసింహారెడ్డి లాంటి భారీ బ్లాక్ బస్టర్ సినిమాతో ప్రేక్షకుల ముందుకు వచ్చిన బాలయ్య ఎనిమిది నెలల గ్యాప్ లోనే మరొకసారి భగవంత్ కేసరి సినిమాతో దసరాకు ప్రేక్షకుల ముందుకు వస్తున్నారు. ఈ నెల 19న ప్రేక్షకుల ముందుకు వస్తున్న ఈ సినిమా ట్రైలర్ అక్టోబర్ 8న రిలీజ్ చేస్తున్నట్టు నిర్మాతలు ఇప్పటికే ప్రకటించారు.
ఇదిలా ఉంటే ఈ సినిమా ట్రైలర్ రిలీజ్ కి సంబంధించి ఓ వేదికను కూడా ఫిక్స్ చేసినట్టు మేకర్స్ రిలీజ్ చేశారు. ఈ ట్రైలర్ లాంఛ్‌ ఈవెంట్ కు వరంగల్ వేదిక కానుంది. వరంగల్ యూనివర్సిటీ ఆర్ట్స్ అండ్ సైన్స్ కాలేజ్ హనుమకొండలో భగవంత్ కేసరి ట్రైలర్ గ్రాండ్గా లాంచ్ చేస్తున్నట్టు మేకర్స్ తెలిపారు. ఇక భగవంత్ కేసరి జాతర వరంగల్ నుంచి మొదలు కానుందని చెప్పాలి.
ఈ సినిమాలో బాలయ్య కి జోడిగా సీనియర్ హీరోయిన్ కాజల్ అగర్వాల్ నటిస్తున్నారు. క్రేజీ హీరోయిన్ శ్రీలీల బాలయ్య కూతురు పాత్రలో కనిపిస్తోంది. బాలీవుడ్ సీనియర్ హీరో అర్జున్ రాంపాల్‌ విలన్ గా నటిస్తుండగా.. తమన్‌ సంగీతం అందించారు. షైన్ స్క్రీన్ బ్యాన‌ర్‌పై హ‌రీష్ పెద్ది, సాహు గారపాటి సంయుక్తంగా ఈ సినిమాని నిర్మించారు.
