తెలుగు ప్రేక్షకుల మనసు దోచుకున్న బుల్లితెర లెజెండ్రీ యాంకర్ సుమ కనకాల రెండు దశాబ్దాలుగా ఆమె అటు బుల్లితెరపై తిరుగులేని ఏక చక్రాధిపత్యం వహిస్తోంది. బుల్లితెరపై పలు ప్రోగ్రామ్స్ తో పాటు టాలీవుడ్ లో ప్రతి సినిమా ఫ్రీ రిలీజ్ ఈవెంట్ కు సుమ యాంకరింగ్ చేస్తూనే ఉంటుంది. సుమ యాంకరింగ్ చేస్తేనే ఆ సినిమాకి హైప్ ఉంటుంది. ఇంకా చెప్పాలంటే ఏడాదిలో ఒక స్టార్ హీరోయిన్ సంపాదన కంటే కూడా సుమ సంపాదన ఎక్కువగా ఉంటుందట.
సుమ భర్త రాజీవ్ కనకాల కూడా పలు సినిమాల్లో కనిపిస్తున్నాడు. రీసెంట్గా పెదకాపు 1 సినిమాలో కీలకపాత్ర చేసి ఆకట్టుకున్నాడు. ప్రస్తుతం రామ్ చరణ్ గేమ్ ఛేంజర్ సినిమాతో పాటు మరికొన్ని సినిమాలలో నటిస్తున్నాడు. ఇదంతా ఇలా ఉంటే గత మూడేళ్లుగా సుమ రాజీవ్ కనకాల విడాకులు తీసుకున్నారంటూ రకరకాలుగా ప్రచారం జరుగుతోంది.
ఇద్దరి మధ్య చిన్న చిన్న మనస్పర్ధలు ఉన్నాయి అంతమాత్రాన మీరు విడాకులు తీసుకున్నారంటూ మీడియా ఒకటే ప్రచారం చేస్తుంది. ఈ ప్రచారాన్ని చాలాసార్లు ఖండించడం జరిగింది. ఇక తాజాగా సుమ రాజీవ్ కలిసి తిరుమలలో కనిపించారు. రాజీవ్ వెంకటేశ్వర స్వామి మాలలో ఉండగా సుమ పక్కనే ఉంది. తాజాగా తన ఇన్స్టాల్ లో పెట్టిన వీడియోలో సుమ,రాజీవ్ తిరుమల ఘాట్ రోడ్ లో కనిపి స్తున్నారు.
కారు పక్కన ఆపి తిరుమల కోన అందాలను సుమ దంపుతారు వీక్షిస్తున్న దృశ్యాలు ఆ వీడియోలో కనిపించాయి.ఈ వీడియో ప్రస్తుతం సోషల్ మీడియాలో తెగ వైరల్ గా మారుతోంది. అలాగే రాజీవ్ వెంకటేశ్వర స్వామి మాల ధరించి కనిపిస్తున్నాడు. రాజీవ్ వెంకన్న మాల స్వామికి సమర్పించడానికి తిరుమలకు వెళ్లినట్టు తెలుస్తోంది .ఏది ఏమైనా మరోసారి సుమ ,రాజీవ్ ఇద్దరూ తమ విడాకుల వార్తలపై వస్తున్న పుకార్ల‌కు తిరుమల వెంకన్న సాక్షిగా చెక్ పెట్టారు.
