బాలీవుడ్ ఫైట్ బ్రాండ్ హీరోయిన్ కంగనా రనౌత్ గురించి ప్రత్యేకంగా పరిచయం అవసరం లేదు. ఆమె తన మనసులో ఉన్నది ఉన్నట్టు కుండబద్దలు కొట్టేస్తూ ఉంటారు. బాలీవుడ్ లో ఉన్న నెపోటిజం గురించి కరణ్ జోహార్ లాంటి వాళ్ళు చేసే అరాచకాల గురించి ఓపెన్ అవుతూ ఉంటారు. తనపై ఎన్ని విమర్శలు వచ్చినా కంగనా ఏ మాత్రం వెనక్కి తగ్గరు. మహారాష్ట్రలో అధికారంలో ఉన్న శివసేనను అయినా ఆమె ఢీకొడతారు.
అందుకే ఆమె లేడీ ఫైర్ బ్రాండ్ అయిపోయారు. ముఖ్యంగా హృతిక్ రోషన్ తనను ఎలా ? వాడుకుని ఇబ్బందులు పెట్టాడో ఎలా మోసం చేశాడో ఓపెన్‌గా చెప్పి అప్పట్లో సంచలనం రేపారు కంగనా రనౌత్. అసలు మన దేశంలో క్యాస్టింగ్ కౌచ్ అన్నది ఇంతగా వైర‌ల్ కావ‌డానికి ప్రధాన కారణం కూడా కంగనా అని ప్రత్యేకంగా చెప్పక్కర్లేదు.
ఆమె తాజాగా పీ వాసు దర్శకత్వంలో లారెన్స్ హీరోగా తెరకెక్కిన చంద్రముఖి 2 సినిమాలో నటించారు. ఈ సినిమా ప్రమోషన్ కార్యక్రమాల్లో భాగంగా చెన్నైలో ఆమె మీడియాతో మాట్లాడారు. తనకు రాజకీయాల్లోకి వచ్చే ఉద్దేశం ఉందని కుండ బద్దలు కొట్టారు. ఈ క్రమంలోనే ఏపీ మంత్రిగా ఉన్న రోజా సినిమాల్లో ఉన్నవారు రాజకీయాలకు రాకూడదు అని చేసిన వ్యాఖ్యలను ఉద్దేశించి మాట్లాడాలని మీడియా కోరగా ఆమె షాకింగ్ రిప్లే ఇచ్చారు.
అసలు రోజా ఎవరో ? తనకు తెలియదు.. ఆమెలాంటి వారు ఉన్నారని తనకు తెలియదని కంగనా సంచలన వ్యాఖ్యలు చేశారు. గతంలో రోజా కూడా జనసేన అధినేత పవన్ కళ్యాణ్ ను ఉద్దేశించి సినిమాల్లో ఉన్నవారు రాజకీయాల్లోకి రాకూడదని చెప్పిన సంగతి తెలిసిందే. ఇప్పుడు కంగనా ఇచ్చిన ఆన్స‌ర్‌తో రోజాకు పెద్ద షాక్ లాంటిదే అని చెప్పాలి.
