గ్లోబల్ స్టార్ రామ్ చరణ్ లేటెస్ట్ సినిమా ‘ గేమ్ ఛేంజర్ ’ . ఈ సినిమా కోసం ప్రేక్షకులు ఎంతో ఆసక్తిగా వెయిట్ చేస్తున్నారు. ఈ సినిమా బాక్సాఫీస్ దగ్గర ఎలాంటి రికార్డులు ? క్రియేట్ చేస్తుందా అని అందరూ ఆసక్తితో ఉన్నారు. ఇక ఈ సినిమాతో రామ్ చరణ్ కొత్త రికార్డులను క్రియేట్ చేయడం ఖాయమని అభిమానులు ధీమాతో ఉన్నారు. ఈ సినిమా కోసం ఇండియాలోనే కాకుండా ఓవర్సీస్‌లోనూ అభిమానులు ఆసక్తిగా చూస్తున్నారు.
ముఖ్యంగా యూఎస్‌లో ‘ గేమ్ ఛేంజర్ ’ సినిమా పై బజ్ పీక్స్‌లో ఉంది. ఇప్పటికే డల్లాస్ నగరంలో ‘ గేమ్ ఛేంజర్ ’ ఈవెంట్ గ్రాండ్ సక్సెస్ అయ్యింది. దీంతో అక్కడి ఆడియెన్స్ ఈ సినిమా కోసం ఎంత ఆతృతగా ఉన్నారో తెలుస్తోంది. అయితే అమెరికాలో ఈ సినిమా ప్రీమియర్స్‌ను గ్రాండ్‌గా వేసేందుకు మేకర్స్ రెడీ అవుతున్నారు. ఇప్పటికే ఈ ప్రీమియర్స్ కోసం టికెట్ బుకింగ్స్ స్టార్ట్ అయ్యింది. ప్రీ సేల్స్‌లో గేమ్ ఛేంజర్ సినిమా ఇప్పటికే 10 వేలకు పైగా టికెట్లు అమ్ముడైనట్లు తెలుస్తోంది.
ఈ సినిమా రిలీజ్‌కు మరో 15 రోజుల సమయం ఉండటంతో ఈ టికెట్ల సంఖ్య మరింతగా పెరిగే అవకాశం ఉందని సినీ ట్రేడ్ వ‌ర్గాలు అంచ‌నా వేస్తున్నాయి. ఇక దర్శకుడు శంకర్ ఈ సినిమాను అత్యంత ప్రెస్టీజియస్‌గా రూపొందిస్తుండగా థమన్ ఈ సినిమాకు మ్యూజిక్ అందిస్తున్నారు. ఈ సినిమాలో చ‌ర‌ణ్‌కు జోడీగా బాలీవుడ్ ముద్దుగుమ్మ కియారా అద్వానీ హీరోయిన్‌గా నటించ‌గా… గేమ్ ఛేంజర్ సినిమాలో ఎస్.జె.సూర్య, శ్రీకాంత్, అంజలి, సునీల్ తదితరుల ఇతర ముఖ్య పాత్రల్లో నటిస్తున్నారు.
యూఎస్ ప్రీమియ‌ర్ సేల్స్‌లో గేమ్ ఛేంజర్ దూకుడు… వారెవ్వా చరణ్..!
Latest news
