సంథ్య థియేటర్ ఘ‌ట‌న‌లో టాలీవుడ్ ఐకాన్ స్టార్ అల్లు అర్జున్‌ను పోలీసులు ఈ రోజు విచారిస్తోన్న సంగ‌తి తెలిసిందే. ఈ క్ర‌మంలోనే పోలీసులు అల్లు అర్జున్‌ను 20 ప్రశ్నలు వేసిన‌ట్టు తెలుస్తోంది. అల్లు అర్జున్‌కు చిక్కడపల్లి పోలీసులు ఈరోజు విచారణకు రావాలని నోటీసులు జారీ చేశారు. అల్లు అర్జున్ పోలీస్ స్టేషన్ కి వెళ్ళాడు. మరీ ముఖ్యంగా అనుమతి లేకపోయినా ఎందుకు సంధ్య థియేటర్ కు వెళ్లారు ? మిమ్మల్ని థియేటర్‌కు రమ్మని పిలిచింది ఎవరు? మీతో పాటు ఉన్న మీ కుటుంబ సభ్యులు స్నేహితుల పేర్లు ఏమిటి ? థియేటర్ నుంచి ఎప్పుడు బయటకు వచ్చారు ? మీరు ఎంతమంది బౌన్సర్లను పెట్టుకున్నారు మీ వ్యక్తిగత బౌన్సర్లు ఎంతమంది ? థియేటర్ మేనేజ్మెంట్ ఎంతమంది బౌన్సర్లను నియమించిందన్న ప్రశ్నలు వేయ‌నున్నారు.
అల్లు అర్జున్ వెంట ఆయన మామ కంచర్ల చంద్రశేఖర్ రెడ్డి తో పాటు అతని లాయర్ కూడా ఉన్నట్టు సమాచారం. మరోవైపు అల్లు అర్జున్ విచారణ సందర్భంగా ఎలాంటి అవాంఛనీయ సంఘటనలు జరగకుండా పోలీస్ స్టేషన్ చుట్టుపక్క‌ల ఆంక్షలు విధించడంతోపాటు మీడియాను కూడా దూరంగా ఉంచారు.
