ప్రభాస్ హీరోగా సందీప్ రెడ్డి వంగా తెరకెక్కించనున్న సినిమా స్పిరిట్ పోలీస్ డ్రామాగా ఇది తెరకెక్కనుంది. ఇటీవల స్పిరిట్ మ్యూజిక్ సిట్టింగ్స్ కూడా ప్రారంభమైన సంగతి తెలిసిందే. తాజాగా నిర్మాత భూషణ్ కుమార్ స్పిరిట్ షూటింగ్ గురించి మాట్లాడారు. తాము ప్రస్తుతం స్పిరిట్ పనుల్లో బిజీగా ఉన్నాం.. అందులో నటీనటుల ఎంపిక ఇంకా ఖరారు కాలేదు త్వరలోనే ఈ ప్రక్రియ ప్రారంభిస్తాం దీని తర్వాత షూటింగ్ మొదలు పెడతాం.. డిసెంబర్ చివరలో స్పిరిట్ షూటింగ్ మొదలు పెట్టేందుకు ప్రణాళికలు సిద్ధం చేస్తున్నాం.. ఆ తర్వాత ఆరు నెలల గ్యాప్ ఉంటుంది.. వెంటనే సందీప్ వంగా యానిమల్ పార్క్ మొదలు పెడతారు అని చెప్పారు.
ఇక డిసెంబర్ నుంచి వరుసగా స్పిరిట్ అప్డేట్లు వచ్చే అవకాశం ఉందని అభిమానులు భావిస్తున్నారు. తాజాగా దీపావళి రోజు ఈ సినిమా మ్యూజిక్ పనులు మొదలుపెట్టినట్టు మేకర్స్ ప్రకటించారు. ఈ విషయాన్ని ఈ సినిమా దర్శకుడు హర్షవర్ధన్ రామేశ్వర్ ఎక్స్ వేదికగా పోస్ట్ చేసిన సంగతి తెలిసిందే. ఇక ఈ సినిమా గురించి దర్శకుడు సందీప్ రెడ్డి వంగ మాట్లాడుతూ తొలిరోజే స్పిరిట్ సినిమా రు. 150 కోట్ల వసూళ్లు సాధించడం ఖాయమని చెప్పిన సంగతి తెలిసిందే. స్పిరిట్ లో ప్రభాస్ విభిన్నమైన లుక్ లో కనిపిస్తారని ఆయన చెప్పారు. ఇప్పటివరకు ప్రభాస్‌ను గత 24 సినిమాలలో ప్రేక్షకులు ఒక విధంగా చూశారని ఈ సినిమాలో మరో స్థాయిలో చూస్తారని హామీ ఇచ్చారు.
ప్రభాస్ లో చాలా ప్రత్యేకతలు ఉన్నాయి అంటూ సందీప్ ప్రశంసించారు. ప్రభాస్‌ను చూపించే విధానం ఆడియన్స్ కు నచ్చితే చాలు.. సినిమా ఖచ్చితంగా సూపర్ హిట్ అవుతుందని సందీప్ తెలిపారు. ఏది ఏమైనా వరుస సూపర్ డూపర్ హిట్ సినిమాలతో దూసుకుపోతున్న సందీప్ రెడ్డి వంగా అటు పాన్ ఇండియాస్టార్ ప్రభాస్ కాంబినేషన్లో స్పిరిట్ సినిమా అనగా దేశవ్యాప్తంగా అంచనాలు మామూలుగా లేవు.
