పవర్ స్టార్ పవన్ కళ్యాణ్ హీరోగా నటిస్తున్న హరిహర వీరమల్లు – ఓజి సినిమాలు సెట్స్ మీద ఉన్న సంగతి తెలిసిందే. ప్రస్తుతం పవన్ వీరమల్లు షూటింగ్లో ఉన్నారు. అటు ఓజీ కూడా పవన్ లేకుండానే షూటింగ్ నడుస్తోంది. రెండు సినిమాల్లో షూటింగ్లో దాదాపు క్లైమాక్స్ లోనే ఉన్నాయి. అయితే వీరమల్లు బాగా డిలే అవడంతో పవన్ కళ్యాణ్ ఆ సినిమా డేట్లు ఇచ్చి ముందుకు తీసుకు వెళుతున్నారు. ఈ నేపథ్యంలో వచ్చే ఏడాది ముందుగా పీకే నుంచి రిలీజ్ అయ్యేది ఆ సినిమా అంటూ బలమైన ప్రచారం జరుగుతుంది. ఇప్పటికే మార్చి 25 రిలీజ్ డేట్ అంటూ తేదీ కూడా ఇచ్చారు.. కానీ ఇప్పుడు ఈ సినిమా రిలీజ్ డేట్ వాయిదా పడినట్టు ప్రచారం జరుగుతుంది.
మరి ముందు ఓజీ రిలీజ్ అవుతుందా ? వీర‌మ‌ల్లా ? వీరమల్లు తేదీకి ఓజీ రిలీజ్ అవుతుందా ? అంటే ముందు ఓజీనే అని తెలుస్తోంది. అయితే ఈ రెండిట్లో ఏది ముందుగా రిలీజ్ అవుతుంది అన్నది క్లారిటీ ఇవ్వాల్సింది నిర్మాతలు. వాస్తవానికి ముందుగా షూటింగ్ ప్రారంభమైంది హరిహర వీరమల్లు. ఆ తర్వాత అనూహ్యంగా సుజిత్ తో ఓజీ ప్రాజెక్టు ప్రకటించడం … వెంటనే మొదలుపెట్టడం షూటింగ్ ప్రారంభించడం అంతా వేగంగా జరిగిపోయింది. పవన్ చూపించిన వేగం చూసి ముందుగా రిలీజ్ అయ్యేది ఓజీ అని తేలిపోయింది.
అందుకు తగ్గట్టు సెప్టెంబర్ లో రిలీజ్ అంటూ ప్రకటన కూడా ఇచ్చారు. ఆ తర్వాత పరిణామాలు పూర్తిగా మారిపోయాయి. ఏదేమైనా మార్చి 25న ముందుగా హరిహర వీరమల్లు వ‌స్తాడ‌నే ఇప్ప‌టి వ‌ర‌కు పవన్ కళ్యాణ్ అభిమానులు భావించారు. కానీ ఇప్పుడు ఆ ప్లేస్ లోకి దాదాపు ఓజీ వ‌చ్చేసిన‌ట్టే అని తెలుస్తోంది. ఆ త‌ర్వాతే వీరమల్లు రిలీజ్ ఉంటుంది. వీరమల్లు ద‌స‌రాకు రావ‌చ్చు. ఈ రెండు సినిమాల షూటింగ్ పూర్త‌యిన వెంటనే పవన్ .. హ‌రీష్ శంక‌ర్‌కు డేట్లు ఇస్తాడు. అప్పుడు ఉస్తాద్ భ‌గ‌త్ సింగ్ సినిమా సెట్స్ మీద‌కు వెళుతుంది.
