ఇప్పుడు పాన్ ఇండియా సినిమా వైడ్ గా మ‌న టాలీవుడ్ ఐకాన్ స్టార్ అల్లు అర్జున్ న‌టిస్తోన్న పుష్ప 2 హవా నడుస్తున్న సంగతి తెలిసిందే. అస‌లు క‌నీవినీ ఎరుగ‌ని ఎన్నో అంచనాలు సెట్ చేసుకున్న ఈ సినిమాలో ఐకాన్ స్టార్ అల్లు అర్జున్ హీరోగా రష్మికా మందన్న హీరోయిన్‌గా దర్శకుడు సుకుమార్ తెరకెక్కించిన ఈ అవైటెడ్ సీక్వెల్ పట్ల నెక్ట్స్ లెవ‌ల్ హైప్ బిల్డ‌ప్ అయిపోయింది.
ఇక ఈ సినిమా డిసెంబ‌ర్ 5న వ‌ర‌ల్డ్ వైడ్‌గా రిలీజ్ అవుతుండ‌గా… అయితే రెండు తెలుగు రాష్ట్రాల్లో ఒక రోజు ముందుగానే డిసెంబ‌ర్ 4నే ప్రీమియర్లు ప‌డుతున్నాయి. ఇక అమెరికాతో పాటు ప‌లు విదేశాల్లోనూ డిసెంబ‌ర్ 4నే ప్రీమియర్లు ప‌డుతున్నాయి. ఇక తెలంగాణలో ముందు రోజు అంటే.. డిసెంబ‌ర్ 4నే సెకండ్ షో అంటే 9.30 గంట‌ల షో నుంచే ప్రీమియర్లు ప‌డుతున్నాయి. అది కూడా కేవ‌లం మైత్రీ వాళ్ల థియేట‌ర్ల‌లో ఈ షోలు ముందుగా ప‌డుతున్నాయి.
అలాగే మిడ్ నైట్ షోలు 1 గంట నుంచి ప‌డుతున్నాయి. సెకండ్ షో నుంచే ప‌డే షోలు పూర్త‌యిన వెంట‌నే మిడ్ నైట్ షోలు ఉంటాయి. ఈ రెండు స్పెష‌ల్ షోల‌కు టిక్కెట్ రేట్లు భారీగా పెంచుకునేందుకు తెలంగాణ ప్ర‌భుత్వం అనుమ‌తులు ఇచ్చింది. ఒక్కో టిక్కెట్ రేటు రు. 800 కాగా.. అద‌న‌పు చార్జీల‌తో క‌లుపుకుంటే రు. 1000 వ‌ర‌కు టిక్కెట్ రేటు ఉండ‌నుంది. ఇది ఇప్పుడు సినీ. రాజ‌కీయ వ‌ర్గాల్లో సంచ‌ల‌నంగా మారింది.
