టాలీవుడ్ లో నెంబర్ గేమ్ అనేది ప్రతి శుక్రవారం మారిపోతూ ఉంటుంది. ప్రతి శుక్రవారం కొత్త సినిమాలు రిలీజ్ అవుతూ ఉంటాయి.. ఏ సినిమా సూపర్ హిట్ అవుతుందో ఎవరు చెప్పలేని పరిస్థితి. ఈ సంక్రాంతికి అందరూ స్టార్ హీరో మహేష్ బాబు గుంటూరు కారం – సీనియర్ హీరోలు వెంకటేష్ నటించిన సైంధ‌వ్ – నాగార్జున నటించిన నా సామిరంగ సినిమాలు సూపర్ హిట్ అవుతాయి అనుకున్నారు. అందరూ ఇంచనాలు తలకిందులు చేస్తూ ఎవరికి పెద్దగా తెలియని కుర్ర హీరో తేజ స‌జ్జ నటించిన హనుమాన్ సినిమా పాన్ ఇండియా రేంజ్ లో బ్లాక్ బస్టర్ హిట్ అవడంతో పాటు ఏకంగా రు. 300 కోట్లకు పైగా వసూళ్లు సాధించింది.
ఇక ఇప్పుడు టాలీవుడ్లో స్టార్ హీరోల మధ్య అధిపత్య పోరు పాన్ ఇండియా క్రేజ్ .. పాన్ ఇండియా మార్కెట్ వార్ నడుస్తోంది. ప్రభాస్ – బన్నీ ఈ వరుసలో కాస్త ముందు ఉంటే తర్వాత వరుసలో ఎన్టీఆర్ ఉన్నారు. ఎన్టీఆర్ వెనకే రామ్ చరణ్ కూడా వస్తున్నారు. ఇక రాంచరణ్ … ఎన్టీఆర్‌కు త్రిబుల్ ఆర్ సినిమా తర్వాత పాన్ ఇండియా మార్కెట్ వచ్చింది అన్నది వాస్తవం. ఈ రెండు సినిమాల తర్వాత ఎన్టీఆర్ – రామ్ చరణ్ మధ్య పాన్ ఇండియా మార్కెట్ నెంబర్ కోసం పోరు మొదలైంది. అయితే ఈ విషయంలో ఎన్టీఆర్ ప్రూవ్ చేసేసుకున్నాడు. త్రిపుల్ ఆర్ తర్వాత కొరటాల శివ దర్శకత్వంలో ఎన్టీఆర్ నటించిన దేవర సినిమా రిలీజ్ అయ్యి సూపర్ డూపర్ హిట్ అయింది.
దేవర సౌత్ ఇండియాతో పాటు నార్త్ ఇండియా లోను అంచనాల మించి రాణించింది. బాలీవుడ్ లో ఏకంగా 80 కోట్లకు పైగా వసూళ్లు సాధించింది. ఇక ఇప్పుడు రామ్ చరణ్ … శంకర్ దర్శకత్వంలో గేమ్‌ఛేంజ‌ర్ సినిమా చేస్తున్న సంగతి తెలిసిందే. ఈ సినిమా హిట్ అయితేనే నార్త్ ఇండియాలో చరణ్ మార్కెట్ పరంగా పట్టు దొరుకుతుంది. ఇక త్రిబుల్ ఆర్ తర్వాత ఎన్టీఆర్ లైనఫ్ చూస్తే దేవర అలాగే హృతిక్ రోషన్తో కలిసి వార్ 2 – ప్రశాంత్ నీల్ సినిమా ఇలా అంతా పాన్ ఇండియా రేంజ్ లో చాలా స్ట్రాంగ్ గా కనిపిస్తోంది.
అయితే ఎన్టీఆర్ తో పోలిస్తే రామ్ చరణ్ స్టోరీలు.. ఎంపికలు కాస్త భిన్నంగా ఉన్నాయి. శంకర్‌ను నమ్ముకుని గేమ్ ఛేంజర్ సినిమా చేస్తున్నాడు.. కానీ శంకర్ ఫామ్ లో లేడు. అలాగే సుకుమార్ శిష్యుడు ఉప్పెన బుచ్చిబాబు దర్శకత్వంలో ఒక సినిమా చేస్తున్నాడు. అలాగే ప్రశాంత్ నీల్ సినిమా కూడా చేస్తున్నాడు. అయితే పాయింట్లు పట్టికలో ఎన్టీఆర్ మాత్రం దేవర సూపర్ హిట్ అవడంతో ఒక పాయింట్ అదనంగా సాధించాడు.. దానిని బ్యాలెన్స్ చేయాలంటే రామ్ చరణ్ గేమ్ చేంజర్ తో కచ్చితంగా పాన్ ఇండియా రేంజ్ లో బ్లాక్ బస్టర్ హిట్టు కొట్టాల్సి ఉంది.
