టాలీవుడ్‌లో యూవీ క్రియేషన్స్‌కు ఎలాంటి క్రేజ్ ఉందో ప్రత్యేకంగా చెప్పక్కర్లేదు. టాలీవుడ్ స్టార్ హీరో.. యంగ్ రెబల్ స్టార్ ప్రభాస్‌కు దాదాపు యూవీ క్రియేషన్స్ సొంత బ్యానర్ లాంటిది. ప్రభాస్ నటించిన పలు భారీ బడ్జెట్ సినిమాలకు.. యూవీ క్రియేషన్స్ నిర్మాణ సారథ్యం వహించింది. సాహో సినిమా కూడా.. యూవీ క్రియేషన్స్ బ్యానర్ లోనే తెరకెక్కింది. ప్రభాస్ తో కలిపి థియేటర్ల నిర్మాణం, డిస్ట్రిబ్యూషన్, ఎగ్జిబిషన్ రంగంలోకి కూడా యూవీ క్రియేషన్స్ దిగిందన్నది దాదాపు అందరికీ తెలిసిందే.
అలాంటి యూవీ క్రియేషన్స్.. కొద్ది రోజులుగా ఆచితూచి అడుగులు వేస్తూ సినిమాలు నిర్మిస్తుంది. ఈ క్రమంలోనే బింబిసార దర్శకుడు వశిష్ఠ దర్శకత్వంలో విశ్వంభర సినిమాను పట్టాలెక్కించింది. ఈ సినిమాకు ఏదో ఒక ఇబ్బంది ఎదురవుతూ వస్తోంది. సంక్రాంతికి రిలీజ్ అనుకున్నారు. సంక్రాంతి నుంచి సినిమా వాయిదా పడింది. దీనికి తోడు సినిమా బిజినెస్ డీలింగ్స్ అనుకున్నట్టుగా ముందుకు సాగటం లేదని.. దీంతో యూవీ క్రియేషన్స్.. కాస్త ఇబ్బందుల్లో ఉందన్న గుసగుసలు టాలీవుడ్ వర్గాల్లో వినిపిస్తున్నాయి.
విశ్వంభర సినిమాపై భారీగా పెట్టుబడి పెట్టడంతో పాటు.. సినిమా బిజినెస్ డీల్స్ ఇంకా క్లోజ్ కాకపోవడంతో.. రెండు కీలక ప్రాజెక్టులను యూవీ వాళ్ళు వదులుకున్నట్టు టాలీవుడ్ సర్కిల్స్‌లో గుసగుసలు వినిపిస్తున్నాయి. గోపీచంద్ – రాధేశ్యామ్‌ దర్శకుడు రాధాకృష్ణ కుమార్ కాంబినేషన్లో తెరకెక్కనున సినిమా నుంచి తప్పుకున్నారట. అలాగే వరుణ్ తేజ్ – మేర్ల‌పాక గాంధీ కాంబినేషన్లో నిర్మిస్తున్న సినిమాను కూడా యూవీ క్రియేషన్స్ పూర్తిగా వదులుకుందని.. సినీ సర్కిల్స్‌లో టాక్ వినిపిస్తోంది. మరి వీటిపై యూవీ వాళ్ళు క్లారిటీ ఇస్తే గాని పూర్తిగా నమ్మలేని పరిస్థితి.
