నందమూరి బాలకృష్ణ – బాబీ కాంబినేషన్లో సితార సంస్థ నిర్మిస్తున్న సినిమాకు డాకు మహారాజు అనే టైటిల్ ఫిక్స్ చేసిన సంగతి తెలిసిందే. ఈ సినిమాకు ముందు నుంచి డాకూ మహారాజ్ – స‌ర్కార్ సీతార‌మ్ అనే టైటిల్స్ ప‌రిశీల‌న‌లో ఉన్నాయి. ఎట్ట‌కేల‌కు డాకూ మహారాజ్ టైటిల్ ఫిక్స్ అయ్యింది. ఈ సినిమాలో ముందు నుంచి అనుకుంటున్న హీరోయిన్ ప్రగ్యా జైస్వాల్. ఆమె గతంలో అఖండ సినిమాలో బాలయ్యకు జోడిగా నటించింది. అలాగే అఖండ 2 సినిమాలోను ప్రగ్య హీరోయిన్గా ఎంపికైంది. అయితే డాకు మహారాజ్ సినిమాలో ఒకరికి మించిన హీరోయిన్లు ఉన్నారని తెలుస్తుంది.
బాబీ – బాలయ్య సినిమా ప్రారంభమైన దగ్గర్నుంచి బాలయ్య తో పాటు మరో హీరో వుంటారన్న ప్రచారం నడిచింది. దానికి చాలా పేర్లు వినిపించాయి. దుల్కర్ సల్మాన్ – విశ్వక్‌సేన్‌ పేర్లు తెరమీదకి వచ్చాయి. అయితే హీరో అన్న పాత్రను తీసేసి మరో హీరోయిన్ పాత్రను తెరమీదకు తీసుకొచ్చినట్టు తెలుస్తుంది. హీరో హీరోను పెడితే బాబి చివ‌రి సినిమా వాల్తేరు వీర‌య్య‌లా అనిపిస్తుంద‌ని మార్చేశార‌ట. ఆ సినిమాలో చిరు – ర‌వితేజ పాత్ర‌లు ఉన్నాయి.
ఇప్పుడు ఈ పాత్రకు శ్రద్ధా శ్రీనాథ్‌ను తీసుకున్నారని సమాచారం. ఇక ప్రగ్య – శ్రద్ధా శ్రీనాథ్ తో పాటు క్లైమాక్స్‌లో మరో హీరోయిన్ కూడా కనిపిస్తారని సమాచారం. ఆ పాత్రను బాలీవుడ్ ముద్దు గుమ్మ ఊర్వ‌శీ రౌతేలా చేస్తున్నారట. ఏది ఏమైనా టైటిల్ టీజర్ అలా రిలీజ్ అయిందో లేదో డాకు మహారాజ్ సినిమాపై భారీ స్థాయిలో అంచనాలు వచ్చేసాయి. తమన్ సంగీతం అందిస్తున్నారు. ఈ సినిమాను వచ్చే సంక్రాంతి కనుక జనవరి 12న ప్రేక్షకులు ముందుకు తీసుకువస్తున్నారు. ఈ సినిమా షూటింగ్ పూర్తి అయిన వెంటనే బాలయ్య అఖండ 2 సినిమా సెట్స్ లో జాయిన్ అవుతారు.
