టాలీవుడ్ యంగ్‌టైగ‌ర్‌, మ్యాన్ ఆఫ్ మాసెస్ ఎన్టీఆర్ నటించిన రీసెంట్ మూవీ ‘దేవర’ . బాక్సాఫీస్ దగ్గర సెన్సేషనల్ హిట్‌గా నిలిచింది. సెప్టెంబ‌ర్ 27న రిలీజ్ అయిన ఈ సినిమాకు అర్ధ‌రాత్రి షోల నుంచే మిక్స్ డ్ టాక్ వ‌చ్చింది. అయినా కూడా త‌ర్వాత దేవర స్లోగా ప్రేక్షకులకు ఎక్క‌డం… ఇటు ఎన్టీఆర్ అమేజింగ్ న‌ట‌న‌కు ప్రేక్ష‌కులు ఫిదా అయిపోవ‌డం.. త్రిబుల్ ఆర్ సినిమా త‌ర్వాత ఎన్టీఆర్ రెండున్నేళ్లు గ్యాప్ తీసుకుని చేసిన సినిమా కావ‌డంతో దేవర బాక్సాఫీస్ దగ్గర స్లో పాయిజ‌న్‌గా ఎక్కేసింది.
ప్ర‌పంచ వ్యాప్తంగా రు. 550 కోట్ల గ్రాస్ వ‌సూళ్లు దేవర సాధించింది. ఇక దేవర సినిమాను దర్శకుడు కొరటాల శివ పూర్తి యాక్షన్ డ్రామాగా తెరకెక్కించగా, ఎన్టీఆర్ తన యాక్టింగ్‌తో ఈ సినిమాను నెక్స్ట్ లెవెల్‌కి తీసుకెళ్లాడు. ఈ సినిమాలో ఎన్టీఆర్ రెండు వైవిధ్యమైన పాత్రల్లో నటించాడు. సినిమాలో ఎన్టీఆర్ రాకింగ్ పర్ఫార్మెన్స్‌కి అనిరుధ్ రవిచందర్ సాలిడ్ మ్యూజిక్ తోడవ్వ‌డంతో థియేట‌ర్లు ఊగిపోయాయి.
ఇక ఈ సినిమా మ‌రో అరుదైన ఫీట్ న‌మోదు చేసింది. ఇటీవ‌ల కాలంలో ఎంత పెద్ద హిట్ సినిమా అయినా రెండు వారాలు థియేట‌ర్ల‌లో ఉండ‌డం గ‌గ‌నం అవుతోంది. అలాంటిది దేవర ఏకంగా 52 సెంటర్లలో దేవర మూవీ 50 డేస్ పూర్తి చేసుకుంటోంది. ఇది మామూలు విజ‌యం కాద‌ని చెప్పాలి. ఈ సినిమాలో ఎన్టీఆర్‌కు జోడీగా దివంగ‌త అతిలోక సుంద‌రి శ్రీదేవి ముద్దుల కుమార్తె జాన్వీ కపూర్ హీరోయిన్‌గా నటించగా సైఫ్ అలీ ఖాన్, శ్రీకాంత్, ప్రకాష్ రాజ్, అజయ్ తదితరులు ఇతర ముఖ్య పాత్రల్లో నటించారు.
