టాలీవుడ్ ఐకాన్ స్టార్ అల్లు అర్జున్ నటిస్తున్న ప్రెస్టీజియస్ మూవీ ‘పుష్ప-2’ . ఈ సినిమా కోసం ప్రేక్షకులు ఎంత ఆసక్తిగా ఎదురుచూస్తున్నారు. పుష్ప సూప‌ర్ డూప‌ర్ హిట్. ఇది పాన్ ఇండియా రేంజ్‌లో హిట్ అయ్యింది. పుష్ప నార్త్ ఇండియాలో ఎంత పెద్ద హిట్ అయ్యిందో చూశాం.. అందుకే ఇప్పుడు పుష్ప సినిమాకు సీక్వెల్‌గా వ‌స్తోన్న పుష్ప 2 పై కనివినీ ఎరుగ‌ని రేంజ్‌లో భారీ అంచ‌నాలు ఉన్నాయి.
ఇక పుష్ప 2 నుంచి ఎలాంటి అప్డేట్ వచ్చినా ప్రేక్షకులు, అభిమానులు అందరూ ఫాలో అవుతున్నారు. ఇక ఈ సినిమాను డిసెంబర్ 5న గ్రాండ్‌గా రిలీజ్ చేసేందుకు నిర్మాత‌లు రెడీ అవుతున్నారు. ముందుగా ఈ సినిమాను డిసెంబర్ 6న రిలీజ్ చేయాల‌నుకున్నా.. ఒక రోజు ముందుకు మార్చారు. ఈ క్ర‌మంలోనే పుష్ప 2 ట్రైల‌ర్ రిలీజ్ డేట్‌ను తాజాగా మేక‌ర్స్ వెల్ల‌డించారు.
ఇండియ‌న్ బిగ్గీగా తెర‌కెక్కుతోన్న పుష్ప 2 ట్రైల‌ర్ నవంబర్ 17న సాయంత్రం 6:03 గంటలకు రిలీజ్ చేస్తున్నట్లు ఓ సాలిడ్ పోస్టర్ ద్వారా అనౌన్స్ చేశారు. ఈ పోస్టర్‌లో అల్లు అర్జున్ తనదైన స్టైల్లో భుజంపై తుపాకీ పెట్టుకుని న‌డుచుకుంటూ వ‌స్తున్నాడు. దీంతో సోష‌ల్ మీడియాలో పుష్ప 2 ట్రైల‌ర్ ర‌చ్చ స్టార్ట్ అయ్యింది. ఈ ట్రైల‌ర్‌ను ద‌ర్శ‌కుడు సుకుమార్ టీం ఎలా క‌ట్ చేశారా ? అన్న ఆస‌క్తి ఫ్యాన్స్‌లో అయితే నెల‌కొంది. బ‌న్నీకి జోడీగా రష్మిక మందన్న హీరోయిన్‌గా నటిస్తుండగా.. ఫహద్ ఫాజిల్, సునీల్, అనసూయ భరద్వా్జ్ తదితరులు ఇతర ముఖ్య పాత్రల్లో నటిస్తున్నారు.
