సినిమా ఇండ‌స్ట్రీలో కొన్ని కాంబినేష‌న్లు ప్రేక్ష‌కుల‌కు మంచి కిక్ ఇస్తాయి. అలాంటి కాంబినేష‌న్ల‌లో నంద‌మూరి న‌ట‌సింహం బాల‌కృష్ణ – తమన్నా కాంబినేషన్ కూడా ఒక‌టి. మిల్కీ బ్యూటీ తమన్నా ఎప్పుడో 2005లో ఇండ‌స్ట్రీలోకి వ‌చ్చింది. దాదాపు అంద‌రు స్టార్ హీరోలు.. కుర్ర హీరోల‌తో మొద‌లు పెట్టి సీనియర్ హీరోలు అంద‌రితోనూ క‌లిసి న‌టించింది. సీనియర్ హీరోలలో చిరంజీవి, వెంకటేశ్, నాగార్జున సినిమాలలో నటించిన తమన్నా బాలయ్యతో మాత్రం ఇప్పటికీ నటించలేదు. భగవంత్ కేసరి సినిమా షూట్ సమయంలో తమన్నా ఐటెం సాంగ్ చేస్తున్న‌ట్టు గ‌ట్టిగా ప్ర‌చారం జ‌రిగింది. అయితే ఆ వార్త‌ల‌ను తమన్నా ఖండించింది.
అయితే ఇండ‌స్ట్రీ టాక్ ప్ర‌కారం బాలయ్య, తమన్నా కాంబినేషన్ లో ఎప్పటికీ సినిమా వచ్చే ఛాన్స్ లేదని చెబుతున్నారు. ఒక సెంటిమెంట్ వల్ల ఈ కాంబినేషన్ లో సినిమా కష్టమని అభిప్రాయం బ‌లంగా వినిపిస్తోంది. టాలీవుడ్ యంగ్ టైగర్ జూనియర్ ఎన్టీఆర్ తమన్నా కాంబినేషన్ లో ఊసరవెల్లి సినిమా వ‌చ్చి అంచ‌నాలు అందుకోలేదు. అలాగే మ‌రో నంద‌మూరి హీరో కళ్యాణ్ రామ్, తమన్నా కాంబినేషన్ లో నా నువ్వే సినిమా తెరకెక్కింది. ఈ రెండు సినిమాలు బాక్సాఫీస్ వద్ద డిజాస్టర్లు అయ్యాయి.
అలా నంద‌మూరి హీరోల‌కు తమన్నా ఎంత‌మాత్రం క‌లిసి రాలేదు. ఎన్టీఆర్, కళ్యాణ్ రామ్ కూడా తర్వాత ప్రాజెక్ట్ లలో తమన్నాను రిపీట్ చేయలేదు. అలా చూస్తే బాలయ్య మాత్రం తమన్నాకు అవ‌కాశం ఇవ్వ‌నుకాక ఇవ్వ‌డు. అలా వీరి కాంబోలో సినిమా వచ్చే అవకాశాలు చాలా తక్కువగా ఉన్నాయి. అయితే తమన్నా మాత్రం బాలయ్య అంటే ఎంతో గౌరవమని బాలయ్యతో సినిమా చేయాలని ఉందని తెలిపింది. తమన్నా గత సినిమా భోళా శంకర్ బాక్సాఫీస్ వద్ద డిజాస్టర్ గా నిలిచింది. ఇటీవ‌ల తమన్నా సక్సెస్ రేట్ సైతం తగ్గింది. తెలుగులో ఈ బ్యూటీ చేతిలో గతంలోలా ఆఫర్లు అయితే లేవు.
