నందమూరి నట‌సింహ బాలకృష్ణ తన కెరీర్ లో ఎన్నో బ్లాక్బస్టర్ సినిమాలలో హీరోగా నటించారు. కొందరు దర్శకులు బాలయ్య కాంబినేషన్ అంటే తిరుగులేని క్రేజ్ ఉంటుంది. ఒకప్పుడు కోడి రామకృష్ణ – బాలయ్య కాంబినేషన్ .. ఆ తర్వాత బి.గోపాల్ – బాలయ్య కాంబినేషన్ .. ఇప్పుడు బోయపాటి శ్రీను – బాలయ్య కాంబినేషన్ అంటే సూపర్ డూపర్ హిట్ సినిమాలు ఉంటాయి. బాలకృష్ణ – బి.గోపాల్ కాంబినేషన్లో వచ్చిన లారీ డ్రైవర్ – సమరసింహారెడ్డి – రౌడీ ఇన్స్పెక్టర్ – నరసింహనాయుడు సినిమాలు సూపర్ డూపర్ హిట్ అయ్యాయి. సమరసింహారెడ్డి, నరసింహనాయుడు సినిమాలు అయితే ఇండస్ట్రీ హిట్లు అయ్యాయి.
వీరి కాంబినేషన్లో 1992లో భారీ అంచనాలతో తెర‌కెక్కిన సినిమా రౌడీ ఇన్స్పెక్టర్. విజయలక్ష్మి ఆర్ట్ మూవీస్ బ్యాన‌ర్ పై సీనియర్ నిర్మాత టీ త్రివిక్రమ రావు ఈ సినిమాను నిర్మించారు. పరుచూరి బ్రదర్స్ రచన చేశారు. విజయశాంతి హీరోయిన్గా నటించ‌గా.. బప్పిలహరి మ్యూజిక్ అందించారు. బాలయ్య పవర్ఫుల్ పోలీస్ ఆఫీసర్గా చేసిన నటన అద్భుతం అని చెప్పాలి. ఈ సినిమాలో బాలకృష్ణ పోలీస్ ఆఫీసర్ పాత్రలో నటించేందుకు ఎంతో కష్టపడ్డారు.
అయితే షూటింగ్ జరిగే టైంలో డైరెక్టర్ బి గోపాల్ కే బాలయ్య కండిషన్ పెట్టారట. ఈ సినిమాలో బాలయ్య ఇన్‌స్పెక్ట‌ర్‌గా జీవించేశారు. బాలయ్య ఈ పాత్రకు బాగా కనెక్ట్ అయిపోయారట. ఈ పాత్రలో ఆయన లీనం అయ్యేందుకు తాను ఇంటి నుంచి వచ్చేటప్పుడు పోలీస్ డ్రెస్ లో.. పోలీస్ జీప్ లోనే వస్తాను నాకు కచ్చితంగా ప్రతిరోజు ఉదయం పోలీస్ జీప్ కావాల‌ని చెప్పార‌ట. ఆ జీప్‌లోనే షూటింగ్ స్పాట్‌కు వస్తాను అని చెప్ప‌డంతో ఈ ఐడియా ద‌ర్శ‌కుడు గోపాల్‌కు కూడా న‌చ్చి బాలయ్య కోసం స్పెష‌ల్‌గా ఓ పోలీస్ జీప్ ఏర్పాటు చేయించార‌ట.
