టాలీవుడ్ లో 20 ఏళ్ల క్రితం అన్ని ప్రేమకథలు వచ్చి ఇండస్ట్రీలో బాక్సాఫీస్ వద్ద సునామీ సృష్టించాయి. ఖుషి, చిత్రం, నువ్వే కావాలి, నువ్వు నాకు నచ్చావ్, నువ్వు నేను, మనసంతా నువ్వే ఇలా అన్ని ప్రేమకథలే వచ్చి ఇండస్ట్రీ కాసులు వర్షంతో కలకలలాడింది. వెంకటేష్ లాంటి సీనియర్ హీరో కూడా లవ్ స్టోరీలే చేశాడు. పవన్ కళ్యాణ్ ఖుషి సినిమా ఎలాంటి ? సునామీ సృష్టించిందో అందరికీ తెలిసిందే. ఇక ఇండస్ట్రీలో దర్శకుడు తేజది కొత్తవరవ‌డి. చిత్రం సినిమా చూసి ఇలాంటి సినిమాలు కూడా తీసి మెప్పించవచ్చా.. సూపర్ డూపర్ హిట్లు కొట్టవచ్చా.. అని అందరూ మాట్లాడుకునేలా చేశారు.
తేజ పరిచయం చేసిన రిమాసేన్, అనిత. అలాగే నువ్వే కావాలి సినిమాతో పరిచయమైన రీచాలాంటి వారికి.. నువ్వు నాకు నచ్చావ్ సినిమాతో ఎంట్రీ ఇచ్చిన ఆర్తి అగర్వాల్ గట్టి దెబ్బ కొట్టింది. సురేష్ ప్రొడక్షన్స్ లాంటి పెద్ద బ్యానర్, పెద్ద హీరో వెంకటేష్, పెద్ద దర్శకుడు విజయభాస్కర్. కే.. సినిమాతో పరిచయమైన ఆర్తికి ఇండస్ట్రీ బాగా సపోర్ట్ చేసింది. ఆర్తి అగర్వాల్ టాలీవుడ్‌లోకి ఎంట్రీ ఇచ్చేవరకు రిమాసేన్, అనిత, రీచా కుర్ర హీరోల సినిమాల్లో వరుసగా నటిస్తూ పాపులర్ అయ్యేందుకు ట్రై చేస్తున్నారు.
ఎప్పుడు అయితే ఆర్తి టాలీవుడ్‌లోకి ఎంట్రీ ఇచ్చిందో.. అక్కడ నుంచి ఆమె వరుసగా వెంకటేష్, చిరంజీవి, నాగార్జున, బాలయ్య లాంటి స్టార్ హీరోల నుంచి తరుణ్, ఉదయ్ కిరణ్, ఎన్టీఆర్, మహేష్ బాబు లాంటి కుర్ర హీరోల వరకు వరుస పెట్టి సినిమాలు చేస్తూ నాలుగేళ్ల పాటు టాలీవుడ్‌ను షేక్ చేసింది. ఆమె దెబ్బకు రీమాసేన్, అనిత లాంటివారు అస్సలు కనిపించలేదు. అదే టైంలో పరిచయమైన చాలామంది హీరోయిన్లు అందరూ ఆర్తి అగర్వాల్ దెబ్బకు వెనకబడిపోయారు. అలా అప్పట్లో ఆర్తి టాలీవుడ్‌ను ఒక ఊపు ఊపేసిందని చెప్పాలి.
