టాలీవుడ్ లెజెండ్రీ స్టార్ హీరో మెగాస్టార్ చిరంజీవి ప్రస్తుతం విశ్వంభర అనే సోషియాఫాంటసీ సినిమాలో నటిస్తున్న సంగతి తెలిసిందే. బింబిసార సినిమాతో టాలీవుడ్ లో ఒక్కసారిగా అందరి దృష్టిని ఆకర్షించిన యువ దర్శకుడు మల్లిడి వ‌శిష్ఠ సినిమాకు దర్శకత్వం వహిస్తున్నారు. ఇదిలా ఉంటే తాజాగా చిరంజీవి 22 సంవత్సరాల క్రితం నటించిన సూపర్ డూపర్ బ్లాక్ బస్టర్ హిట్ సినిమా ఇంద్ర రిలీజై మంచి టాక్ తో దూసుకుపోతోంది. ఇదిలా ఉంటే ఇంద్ర సినిమా నిర్మాత అశ్వినీ ద‌త్‌ ఇంద్రకు సీక్వెల్‌ కూడా చేస్తానని ప్రకటించారు.
ఇంద్ర సినిమాలో పాటలు అన్నీ సూపర్ డూపర్ హిట్ అయ్యాయి. ఐదు పాటలకు మణిశర్మ సంగీతం అందిస్తే.. చలికాలం పాటకు ఆర్ పీ పట్నాయక్ సంగీతం అందించారు. తాజాగా ఈ సినిమా సక్సెస్ చిట్ చాట్‌లో మెగాస్టార్ మరోసారి తన మార్క్ చిరు లీక్‌ని అందించారు. తన కొత్త చిత్రం విశ్వంభర సినిమా కూడా ఇంద్ర సినిమా లాగా ఉంటుందన్నారు. ఇంద్ర సినిమాలో భంభం బోలే సాంగ్.. ఎంత పెద్ద హిట్టో అందరికి తెలిసిందే.
ఇప్పుడు విశ్వంభర సినిమాలో కూడా ఇలాంటి సాంగ్ ఉందని చిరు లీక్‌ చేయటం క్రేజీ న్యూస్ గా మారింది. తమ దర్శకుడు వశిష్ట అలాంటి సాంగ్ కావాలని కీరవాణి గారిని కోరారని.. కీరవాణి కూడా వెంటనే అదే రేంజ్ లో ట్యూన్ ఇస్తానని హామీ ఇచ్చారని.. చిరంజీవి తెలిపారు. చిరంజీవి చెప్పిన మాటతో విశ్వంభర ఆల్బమ్ కూడా ఒక రేంజ్ లో ఉండనుంది అని చెప్పవచ్చు. యూవీ క్రియేషన్స్ నిర్మిస్తున్న ఈ సినిమా వచ్చే ఏడాది సంక్రాంతి కానుకగా జనవరి 10న గ్రౌండ్ గా రిలీజ్ కాబోతోంది.
