తెలుగు బుల్లితెరపై మోస్ట్ సక్సెస్ ఫుల్ షో గా పేరు తెచ్చుకున్న బిగ్ బాస్.. ఇప్పటికే 7 సీజన్లను పూర్తి చేసుకుంది. సెప్టెంబర్ 1 ఆదివారం నాడు బిగ్ బాస్ సీజన్ 8 కూడా ప్రారంభం కాబోతోంది. ఇందుకు అన్ని ఏర్పాట్లు పూర్తి అయ్యాయి. గత నాలుగు సీజన్లకు హోస్ట్ గా వ్యవహరించిన నాగార్జునే.. ఈసారి కూడా ముందుండి షోను నడిపించబోతున్నారు. అయితే బిగ్ బాస్ హౌస్ లోకి ఎప్పుడూ 15 మందికి పైగా కంటెస్టెంట్స్ వెళ్లేవారు. కానీ ఈసారి ఫస్ట్ ఫేస్ లో 14 మందిని మాత్రమే పంపించబోతున్నారట.
15 వారాల షోకి 14 మందంటే మరో నాలుగురు లేదా ఐదుగురు వైల్డ్ కార్డు ద్వారా ఎంట్రీ ఇవ్వొచ్చు. ఇక రేపు ప్రారంభం కాబోయే బిగ్ బాస్ సీజన్ 8 లోకి వెళ్ల‌బోయే ఫైనల్ కంటెస్టెంట్స్ వీళ్లే అంటూ ఒక లిస్ట్ సోషల్ మీడియాలో బాగా వైరల్ అవుతుంది. దాని ప్రకారం.. కృష్ణ ముకుంద మురారి సీరియల్‌లో ముకుందగా ఫేమస్ యష్మీ గౌడ, ప్ర‌ముఖ నటుడు ఆదిత్య ఓం, కిర్రాక్ బాయ్స్ ఖిలాడీ గర్ల్స్‌లో స్ట్రాంగ్ కంటెస్టెంట్‌గా ఉన్న నిఖిల్, రాజ్ తరుణ్- లావణ్య ఎపిసోడ్‌లో హాట్ టాపిక్‌గా మారిన శేఖర్ బాషా కంటెస్టెంట్స్ గా హౌస్ లోకి అడుగుపెట్ట‌బోతున్నారు.
అలాగే డాన్సర్, యూట్యూబర్ అయిన నైనిక అనసూరు, మోడ‌ల్ క‌మ్ హీరో అభిరామ్ వర్మ, నటుడు అభయ్ నవీన్, బేబీ ఫేమ్ మ‌రియు యూట్యూబర్ కిరాక్ సీత, సోషల్ మీడియా సెలబ్రిటీ బెజవాడ బేబక్క, స్టార్ క‌మెడియ‌న్ అలీ త‌మ్ముడు ఖయ్యూం, యూట్యూబర్ విష్మయ శ్రీ, యాంకర్ విష్ణు ప్రియ, నటుడు నాగ మణికంఠ, సీరియల్ నటి ప్రేరణ కంభమ్, మిస్ ఆంధ్ర సహర్ కృష్ణన్ ఫైనల్ కంటెస్టెంట్స్ లిస్ట్ లో ఉన్నారు. మ‌రి వీరిలో బిగ్ బాస్ హౌస్‌లోకి వెళ్లేది ఎవ‌రో తెలియాలంటే రేప‌టి వ‌ర‌కు వెయిట్ చేయాల్సిందే.
