తెలుగు బుల్లితెరపై సూపర్ డూపర్ హిట్ అయిన రియాలిటీ షో బిగ్ బాస్ ఇప్పటికే ఏడు సీజన్లను కంప్లీట్ చేసుకుంది. త్వరలో సీజన్ 8 కూడా ప్రారంభం కాబోతోంది. ఇటీవ‌ల బిగ్ బాస్ సీజన్ 8 లోగోను రివీల్‌ చేస్తూ మేక‌ర్స్ ప్రోమోను రిలీజ్ చేశారు. మరిన్ని హంగులు మరింత ఎంటర్టైన్మెంట్ తో లేటెస్ట్ సీజన్ ను ప్లాన్ చేస్తున్నారు. మరోవైపు బిగ్ బాస్ సీజన్ 8 లో పాల్గొనబోయే కంటెస్టెంట్స్ వీళ్లే అంటూ పలువురి సెల‌బ్రిటీల పేర్లు ఎప్పటిలాగానే సోషల్ మీడియాలో చక్కర్లు కొడుతున్నాయి.
అయితే తాజాగా కంటెస్టెంట్స్ లిస్టులో ముగ్గురు క్రేజీ హీరోయిన్ల పేర్లు తెరపైకి వచ్చాయి. అందులో రీచా పల్లాడ్ ఒక‌రు. బెంగళూరుకు చెందిన ఈ ముద్దుగుమ్మ 2000 సంవత్సరంలో నువ్వే కావాలి వంటి బ్లాక్ బస్టర్ మూవీ తో తెలుగు ఇండస్ట్రీలోకి అడుగు పెట్టింది. ఈ చిత్రంలో తరుణ్ కు జోడిగా నటించి ప్రేక్షకులకు చేరువైంది. ఆ తర్వాత తెలుగు తో పాటు తమిళ్, హిందీ, కన్నడ, మలయాళం భాషల్లో సినిమాలు చేసింది. 2016 తర్వాత వెండితెరకు దూరమైంది. ఇప్పుడు బిగ్ బాస్ సీజన్ 8 లో కంటెస్టెంట్ గా రిచా పాల్గొనబోతోందని జోరుగా వార్తలు వస్తున్నాయి.
అలాగే సింహాద్రి సినిమాలో ఎన్టీఆర్ కు జోడిగా నటించిన హీరోయిన్ అంకిత, నాగార్జున యొక్క సూపర్ హిట్ మూవీ బాస్ లో సెకండ్ హీరోయిన్ గా చేసిన పూనమ్ బజ్వా సీజన్ 8 లో ఎంట్రీ ఇవ్వబోతున్నారని వార్తలు వస్తున్నాయి. ఇప్పటికే బిగ్ బాస్ నిర్వాహకులు ఆ హీరోయిన్లతో సంప్రదింపులు కూడా పూర్తి చేశారట. ఇక నిజంగా రిచా, అంకిత, పూనమ్ బిగ్ బాస్ హౌస్ లోకి అడుగుపెడితే ఆడియ‌న్స్ కి కన్నుల పండుగే అవుతుంది అనడంలో ఎటువంటి సందేహం లేదు.
