టాలీవుడ్ దర్శకుడు రాజమౌళి ఇప్పుడు ప్రపంచమే మెచ్చే గొప్ప దర్శకధీరుడు అయిపోయాడు. స్టూడెంట్ నెంబర్ 1 సినిమాతో ప్రారంభమైన రాజమౌళి ప్రస్థానం త్రిబుల్ ఆర్ సినిమా వరకు ఓటమి అన్నది లేకుండా వరుస విజయాలతో దూసుకుపోతూ వెళుతుంది. రాజమౌళి అత్యధికంగా జూనియర్ ఎన్టీఆర్ తో నాలుగు సినిమాల వరకు చేశారు. తన తొలి సినిమా స్టూడెంట్ నెంబర్ 1 – రెండో సినిమా సింహాద్రి ఆ తర్వాత యమదొంగ – త్రిబుల్ ఆర్ ఇలా ఎన్టీఆర్ తో ఏకంగా నాలుగు సినిమాలు చేసిన రికార్డు రాజమౌళికి ఉంది.
ఆ తర్వాత ప్రభాస్‌తో ఛ‌త్రపతి – బాహుబలి 1 – బాహుబలి 2 సినిమాలు కూడా చేసిన సంగతి తెలిసిందే. రాజమౌళి వయసులో తనకన్నా పెద్దవారు అయిన రమను ప్రేమ వివాహం చేసుకున్న సంగతి తెలిసిందే. రాజమౌళితో రమా ప్రేమలో పడటానికి ముందే మరో వ్యక్తితో పెళ్లి అయ్యి మనస్పర్ధల నేపథ్యంలో విడాకులు కూడా తీసుకున్నారు. ఆ తర్వాత తన సోదరి ( కీరవాణి భార్య శ్రీ వ‌ల్లి ) ఇంట్లో ఉన్న టైంలో రాజమౌళి రమ మధ్య చూపులు చిగురించాయి. రాజమౌళి రాఘవేంద్రరావు పర్యవేక్షణలో శాంతినివాసం సీరియల్ ను డైరెక్ట్ చేస్తున్నప్పుడు ఈ పరిచయం ఏర్పడింది.
ఆ వెంటనే ఎన్టీఆర్ తో స్టూడెంట్ నెంబర్ 1 సినిమా తీస్తున్న టైంలో వీరి ప్రేమ పీక్ స్టేజ్లో ఉంది. స్టూడెంట్ నెంబర్ 1 సినిమాను రాజమౌళి డైరెక్ట్ చేస్తున్నప్పుడు రమా రాజమౌళి ఆ సినిమాకు కాస్ట్యూమ్ డిజైనర్ గా పనిచేశారు. అనంతరం వారిద్దరూ పెళ్లి చేసుకున్నారు. ఇక రాజమౌళి – రమా రాజమౌళి జంట ఇప్పుడు తెలుగు మీడియాకు… తెలుగు సోషల్ మీడియాలో ఎంత స్టార్ సెలబ్రిటీ లో ప్రత్యేకంగా చెప్పక్కర్లేదు. ప్ర‌స్తుతం రాజమౌళి మ‌హేష్‌బాబు 29వ సినిమాను పాన్ ఇంట‌ర్నేష‌న‌ల్ రేంజ్‌లో తెర‌కెక్కిస్తోన్న సంగతి తెలిసిందే.
