దివంగత అతిలోక అందాల సుందరి శ్రీదేవి తన సినిమాలతో భారతీయ సినిమా పరిశ్రమను ఒక ఊపు ఊపేశారు. శ్రీదేవి తమిళ అమ్మాయి అయినా.. ఆమె తెలుగులో స్టార్ హీరోయిన్ అయింది. ఆమెను స్టార్ హీరోయిన్ చేసింది కూడా తెలుగు సినిమా ప్రజలు. తెలుగు సినిమా ప్రేమికులు. తెలుగు సినిమా వాళ్లు కావటం విశేషం. ఆ తర్వాత ఆమె బాలీవుడ్లో ఎంట్రీ ఇచ్చి అక్కడ కూడా వరుసగా అగ్ర హీరోలతో నటిస్తూ తిరుగులేని స్టార్ హీరోయిన్గా ఒక వెలుగు వెలిగింది. అక్కడ అగ్ర ద‌ర్శ‌కనిర్మాత బోనికపూర్‌ను ఆమె పెళ్లి చేసుకుంది. శ్రీదేవి వారసురాలుగా ఆమె ఇద్దరు కుమార్తెలు సినిమాల్లో స్టార్ హీరోయిన్లుగా ఒక వెలుగు వెలగాలని ఆశపడుతున్నారు.
ఈ క్రమంలోనే పెద్ద కుమార్తె జాన్వీ కపూర్ను తెలుగులోకి తీసుకురావాలని గత నాలుగేళ్లుగా ప్రయత్నాలు జరుగుతున్నాయి. ఇప్పటికే ఎంతోమంది స్టార్ హీరోలు, దర్శకులు ప్రయత్నాలు చేశారు. అయితే ఎట్టకేలకు టాలీవుడ్ యంగ్ టైగర్ జూనియర్ ఎన్టీఆర్, కొరటాల శివ కాంబినేషన్‌లో వస్తున్న పాన్ ఇండియా సినిమా దేవరలో ఎన్టీఆర్‌కు జోడీగా జాన్వీ కపూర్ నటిస్తోంది. అనంతరం రామ్ చరణ్, బుచ్చిబాబు సానా సినిమాలోను హీరోయిన్గా ఎంపికైంది. ఇప్పుడు నేచురల్ స్టార్ నాని, శ్రీకాంత్ ఓదెల కలిసి దసరా తర్వాత మరో సినిమా చేస్తున్నారు. ఈ సినిమాలోను హీరోయిన్గా జాన్వీ కపూర్ను తీసుకున్నట్టు వార్తలు వస్తున్నాయి. దీనిపై ఈ సినిమా యూనిట్ అయితే అధికారికంగా ప్రకటించకపోయినా.. జాన్వీకి మంచి క్రేజ్ ఉన్న నేపథ్యంలో నానికి పాన్ ఇండియా ఇమేజ్ కోసం జాన్వీని తీసుకున్నట్టు తెలుస్తోంది.
అయితే ఇక్కడే టాలీవుడ్ జనాలు గగోలు పెడుతున్నారు. నాని పక్కన జాన్వీ ఏమిటన్నది నేచురల్ స్టార్ ఫ్యాన్స్‌ ప్రశ్న. అన్నా.. నీకు జాన్వీ సెట్ కాదు అంటూ.. నాని అభిమానులు సోషల్ మీడియా వేదికగా నానికి సలహాలు ఇస్తున్నారు. జాన్వీ నీ పక్కన అక్కలా ఉంటుందని కొంతమంది సెటైర్లు వేస్తున్నారు. దసరా సినిమాలో కీర్తి సురేష్‌తో నీ జోడి బాగుంది కదా.. ఆమెనే హీరోయిన్గా తీసుకోండి అని కొందరు సలహాలు ఇస్తున్నారు. హాయ్ నాన్న సినిమాలో మృణాల్ విషయంలో నాని పెద్ద తప్పు చేశాడు అన్నది అభిమానుల వాదన. ఆ సినిమాలో మృణాల్ ఠాకూర్ తో.. నాని కెమిస్ట్రీ అంతగా వర్కౌట్ కాలేదు. నాని పక్కన మృణాల్ మరీ వయసు ముదిరిన పిల్లలా కనిపించింది. ఇప్పుడు జాన్వీ విషయంలోనూ అదే కనిపిస్తుందన్న బెంగ నాని అభిమానులలో ఉంది.
