పెద్ద హీరోలు, పెద్ద దర్శకుల సినిమాల విషయంలో జరిగే సంగతులు అంత త్వరగా బయటకు రావు. అదే చిన్న హీరో, చిన్న సినిమా అయితే వెంటనే బయటికి వచ్చేస్తూ ఉంటాయి. హీరోకి, దర్శకుడుకి మధ్య వచ్చే గ్యాప్ హీరోకు, నిర్మాతకు మధ్య వచ్చే గ్యాప్.. దర్శక, నిర్మాతలకు మధ్య వచ్చే వివాదాలు చాలానే ఉంటాయి. ఇప్పుడు సినిమా విషయంలోనూ దర్శకుడు సుకుమార్, హీరో బన్నీ మధ్య ఇలాంటి పరిస్థితి నెలకొంద‌న్న గుసగుసలు ఇండస్ట్రీ వర్గాల్లో చెక్కర్లు కొడుతున్నాయి. ఇందులో నిజానిజాల సంగతి పూర్తిగా తెలియదు కానీ.. ఆగస్టులో విడుదల కావలసిన సినిమా డిసెంబర్ కు వెళ్ళిపోయింది. దీనికి కారణం సుకుమార్ చాలా స్లోగా పనిచేయటం వల్లే అని తెలుస్తోంది. మామూలుగానే సుకుమార్ సినిమాను చెక్కి చెక్కి తీస్తూ ఉంటాడు.
తాజాగా తెల్లవారి షూటింగ్ అనగా క్యాన్సిల్ కొట్టిన సందర్భాలు చాలానే ఉన్నాయని అంటున్నారు. ఇంకా 40 రోజుల వరకు షూటింగ్ పెండింగ్ ఉందని తెలుస్తోంది. ప్రస్తుతం జూలై మధ్యలో సినిమా రిలీజ్‌కు నాలుగు నెలలు మాత్రమే టైం ఉంది. పైగా పుష్ప పాన్ ఇండియా రేంజ్‌లో సూపర్ హిట్ అయింది. ఇప్పుడు దీనిని కూడా ఆ రేంజ్‌లో రిలీజ్ చేస్తున్నారు. సినిమా నిర్మాణాంతర కార్యక్రమాలు రీ రికార్డింగ్ ప్రమోషన్లకు చాలా టైం కావాలి. అసలే ఇబ్బందుల్లో ఉంటే.. సుకుమార్‌కు ఫీవర్ రావడంతో రెగ్యులర్ షూటింగ్ కూడా బ్రేక్ పడినట్టు తెలుస్తోంది. ఈ తరహా పనితీరుతో హీరో అల్లు అర్జున్ కూడా చికాకు పడుతున్నట్టు తెలుస్తోంది.
పైగా పుష్ప ఎంత పెద్ద సూపర్ హిట్ అయినా.. మూడేళ్లుగా పుష్ప సీక్వెల్‌ మీదే ఉండి పోవాల్సి వచ్చింది. బాగా లేట్ కావడంతోనే.. బన్నీ, అట్లీ కాంబినేషన్ లో రావలసిన సినిమా మిస్ అయిపోయింది. అయినా బన్నీ ఏమనకుండా మిన్న‌కుండి పోవాల్సిన పరిస్థితి. బన్నీ ఫుల్ టైం.. డే అంతా పనిచేస్తున్నా దర్శకుడు సుకుమార్ నుంచి ఆ దిశగా వర్కౌట్ జరగటం లేదని ఇండస్ట్రీలో టాక్ నడుస్తోంది. సాధార‌ణంగా హీరోలు కోపరేట్ చేయక దర్శకులకు ఇబ్బందులు పడుతూ ఉంటారు. అయితే ఇక్కడ రివర్స్‌లో జరుగుతుందని అంటున్నారు.
ఏది ఏమైనా సుకుమార్ ఎంత ఎక్కువ టైం తీసుకున్నా ఇంకా నాలుగు నెలల టైం ఉంది. షూటింగ్ 40 రోజుల్లో పూర్తి చేసినా మరో మూడు నెలల టైం ఉంది. ఇవన్నీ అనుకున్నది అనుకున్నట్టు జరిగితే ఓకే. లేకపోతే పుష్ప 2 డిసెంబర్ నుంచి సంక్రాంతి వెళ్తుందా..? లేదా వచ్చే సమ్మర్ కు వెళ్తుందా..? అన్నది చెప్పలేని పరిస్థితి. ఏది ఏమైనా బన్నీ నుంచి ఇంత ఆలస్యంగా సినిమా వస్తుండడంతో అటు బన్నీలోనూ అసహనం ఉంది. ఇటు బన్నీ అభిమానులు కూడా పైకి చెప్పుకోలేకపోయినా లోలోన తెగ మదన పడుతున్నారు.
