ఫైనల్లీ.. కోట్లాదిమంది అభిమానులు వెయిట్ చేసిన విన్నింగ్ మూమెంట్ వచ్చేసింది. పిఠాపురం నియోజకవర్గం నుంచి ఎమ్మెల్యేగా పోటీ చేసిన పవర్ స్టార్ పవన్ కళ్యాణ్ భారీ ఓట్ల మెజారిటీతో గెలుపొందారు . నిన్న ఏపీ రాష్ట్ర వ్యాప్తంగా ఎంతో ఉత్కంఠ భరితంగా సాగిన ఎన్నికల కౌంటింగ్ ముగిసింది . ఒకటి కాదు రెండు కాదు ఎవ్వరూ ఊహించని భారీ స్థాయిలో ఏపీలో కూటమికి అధికారం కట్టబెట్టారు జనాలు . గవర్నమెంట్ ఫామ్ చేయడమే కాదు కొత్త రికార్డు కూడా క్రియేట్ చేసింది .
అసలు వైసీపీకి ప్రతిపక్ష హోదా లేకుండా చేసేసింది . కేవలం 10 సీట్లతోనే సరిపెట్టుకునేలా భారీ దెబ్బ కొట్టింది ఏపీ కూటమి వైసిపిని.. కాగా పవన్ కళ్యాణ్ గెలవడం సినిమా ఇండస్ట్రీలోని జనాలకు ఆయన కుటుంబ సభ్యులకు బాగా ఆనందాన్ని తెచ్చిపెట్టింది . ఈ క్రమంలోనే పవన్ కళ్యాణ్ తల్లి అంజనా దేవి స్పెషల్ వీడియోని రిలీజ్ చేశారు . “నా కొడుకు గెలవడం నాకు చాలా చాలా ఆనందంగా ఉంది.. ఇకనుంచి నేను గాజు గ్లాసులోనే టీ తాగుతాను అంటూ ఆస్వాదిస్తూ ఉన్న ఒక వీడియోను రిలీజ్ చేసింది”.
ఈ వీడియో చూసిన ఫ్యాన్స్ తెగ మురిసిపోతున్నారు. ఒక కొడుకు గర్వంగా తలెత్తుకునేలా చేస్తే ఏ తల్లి ఆనందపడదు.. పవన్ కళ్యాణ్ గెలవడం మీకే కాదమ్మా.. ఎంతోమంది తల్లులకు ఆనందాన్నిస్తుంది అంటూ కామెంట్స్ పెడుతున్నారు . కొడుకు గెలిచాడు అని తెలిసి అంజనమ్మ ఆనందపడడం చూసిన మెగా కుటుంబ సభ్యులు షాక్ అయిపోతున్నారు. ఇదివరకు ఎప్పుడూ కూడా అంజనమ్మని ఇలా చూడలేదు అంటూ చెప్పుకొస్తున్నారు..!!
