పాన్ ఇండియా హీరో ప్రభాస్ ఏ సినిమా కోసం చేయని రిస్క్ ను కల్కి సినిమా కోసం చేస్తూ ఉండడం గమనార్హం. మనకు తెలిసిందే ప్రభాస్ నటించిన కల్కి సినిమా మరికొద్ది రోజుల్లోనే థియేటర్స్ లో రిలీజ్ కాబోతుంది. జూన్ 27వ తేదీ ఈ సినిమా గ్రాండ్ గా ప్రపంచవ్యాప్తంగా రిలీజ్ కాబోతుంది . ఈ క్రమంలోనే సినిమా ప్రమోషన్స్ ని స్టార్ట్ చేశారు మేకర్స్ . అయితే ఈసారి చాలా డిఫరెంట్ స్ట్రాటజీను అప్లికేబుల్ చేశారు . కల్కి బుజ్జిని లాంఛ్ చేయడానికి ఓ గ్రాండ్ ఈవెంట్ ని ప్లాన్ చేసి బొక్క బోర్ల పడిన సంగతి తెలిసిందే .
అయితే ఇప్పుడు ఆ స్ట్రాటజీని మరో విధంగా మలుస్తున్నారు . బుజ్జి వెహికల్ ని దేశంలోని ప్రధాన నగరాలలో తిప్పుతూ సినిమాను ప్రమోట్ చేసుకుంటున్నారు . అంతేకాదు ఇప్పుడు ఏకంగా పిల్లల దగ్గర నుంచి సినిమాను ప్రమోట్ చేయించే విధంగా మూవీ టీం ప్లాన్ చేసినట్లు తెలుస్తుంది. ఈ క్రమంలో బుజ్జి బైరవ స్టిక్కర్స్ .. బొమ్మలు .. టీషర్ట్స్ అమ్ముతున్నారు .. అంతేనా పలువురు స్టార్ సెలబ్రిటీస్ పిల్లలకి ఫ్రీగా కూడా పంచేస్తున్నారు. తాజాగా సినీ పరిశ్రమలోని స్టార్ సెలబ్రెటీస్ పిల్లలకు కల్కి మూవీ టీం స్పెషల్ గిఫ్ట్ను పంపించింది .
ఈ గిఫ్ట్ లో బుజ్జి వెహికల్ బొమ్మ.. బుజ్జి రోబో బొమ్మ .. కొన్ని స్టిక్కర్స్ .. కల్కి పోస్టర్స్ ఒక లెటర్ కూడా ఉన్నాయి. ఈ కిట్ ను ఫస్ట్ గా మెగా పవర్ స్టార్ రామ్ చరణ్ ఉపాసన కూతురు క్లీన్ కారాకు పంపడం గమనార్హం. ఇదే విషయాన్ని ఉపాసన షేర్ చేసింది . క్లీం కార ఆడుకుంటున్న పిక్ ని పోస్ట్ చేసి ఆల్ ద బెస్ట్ చెప్పింది. దీంతో ఈ ఫొటోస్ వైరల్ గా మారాయి . అయితే ఈ ఫోటోలో కూడా ఫేస్ కనిపించకుండా జాగ్రత్త పడింది ఉపాసన. మొత్తానికి చిరంజీవిని ..రామ్ చరణ్ ని.. పవన్ కళ్యాణ్ నే కాదు క్లీం కార ని కూడా ఉపయోగించేసుకుంటుంది కల్కి టీం అంటూ మెగా ఫ్యాన్స్ కామెంట్స్ చేస్తున్నారు..!!
