టాలీవుడ్ ఇండస్ట్రీలో జూనియర్ ఎన్టీఆర్ గా పాపులారిటీ సంపాదించుకున్న తారక్ గురించి ఎంత చెప్పుకున్నా అది తక్కువగానే ఉంటుంది . నందమూరి నట వారసుడిగా ఇండస్ట్రీ లోకి అడుగుపెట్టిన తారక్ ఒక్కొక్క సినిమా విషయంలో ఒక్కొక్క మెట్టు ఎక్కుతూ తనకంటూ ప్రత్యేక గుర్తింపు సంపాదించుకున్నాడు . మరీ ముఖ్యంగా ఆర్ఆర్ఆర్ సినిమాతో గ్లోబల్ స్థాయిలో గుర్తింపు సంపాదించుకున్నాడు .
ప్రజెంట్ దేవర అనే సినిమాను కూడా సెట్స్ పైకి తీసుకొచ్చాడు . అదేవిధంగా బాలీవుడ్ ఇండస్ట్రీలో ఎంతో ప్రతిష్టాత్మకంగా తెరకెక్కుతున్న వార్ 2 సినిమాని కూడా సెట్స్ పైకి తీసుకొచ్చాడు . ఆ తర్వాత ప్రశాంత్ నీల్ దర్శకత్వంలో తెరకెక్కే సినిమాలో నటించబోతున్నాడు . కాగా అయాన్ ముఖర్జీ దర్శకత్వంలో హృతిక్ రోషన్ హీరోగా నటిస్తున్న వార్ 2 సినిమాలో నెగిటివ్ షేడ్స్ పాత్ర కోసం ముందుగా ప్రభాస్ ని అప్రోచ్ అయ్యారట మేకర్స్ .
కానీ ప్రభాస్ ఈ పాత్రను రిజెక్ట్ చేశారట . 100 కోట్లు రెమ్యూనరేషన్ ఇస్తామన్నా సరే ప్రభాస్ ఆ పాత్రను రిజెక్ట్ చేశారట . ఈ కారణంగానే ఆ పాత్ర మరొక హీరో చేతికి వెళ్లింది. అది కూడా మన తెలుగు హీరో చేతికి రావడం గమనార్హం. ఫస్ట్ టైం కెరియర్ లో నెగిటివ్ షేడ్స్ పాత్రలో కనిపించబోతున్నాడు తారక్ . ఈ సినిమాపై హ్యూజ్ ఎక్స్పెక్టేషన్స్ పెట్టుకొని ఉన్నారు నందమూరి అభిమానులు..!!
