టాలీవుడ్ లో దివంగత ముఖ్యమంత్రి వైయస్ రాజశేఖర్ రెడ్డి జీవిత చరిత్ర ఆధారంగా గత ఎన్నికలకు ముందు వచ్చిన యాత్ర సినిమా సంచలన విజయం సాధించింది. వచ్చే ఎన్నికల నేపథ్యంలో యాత్ర సినిమాకు కొనసాగింపుగా యాత్ర 2 తెరకెక్కుతోంది. రాజశేఖర్ రెడ్డి జీవితంలో ముఖ్య భాగం అయిన పాదయాత్ర నేపథ్యంలో దర్శకుడు మహి వీ.రాఘవ తొలి భాగాన్ని తెర‌కెక్కించారు. మలయాళ మెగాస్టార్ ముమ్ముట్టి, దివంగత ముఖ్యమంత్రి రాజశేఖర్ రెడ్డి పాత్రలో అలా ఒదిగిపోయారు.
ఆ సినిమా సూపర్ హిట్ కాగా ఇప్పుడు మమ్ముట్టి, హీరో జీవా కాంబినేషన్లో యాత్ర 2 తెర‌కెక్కుతుంది. ఈ సినిమాలో జీవా వైఎస్ జగన్ పాత్ర పోషిస్తుండగా మేకర్స్ ఈ సినిమాను చాలా గ్రాండ్ స్కేల్లో తెరకెక్కిస్తున్నారు. ఇప్పటికే చాలా వరకు షూటింగ్ కూడా పూర్తయింది. ఈ సినిమాలో ప్రధాన పాత్రల కోసం ఆసక్తికరమైన క్యాస్టింగ్ కూడా తీసుకుంటున్నారు. ఇక ప్రముఖ పొలిటికల్ పర్సనాలిటీ అయిన సోనియా గాంధీ పాత్ర ఎలా ? ఉండబోతుందో తాజాగా లుక్ రివిల్ చేశారు.
సోనియాగాంధీ పాత్రని ప్రముఖ జర్మన్ నటి సుజానే బెర్నార్డ్‌ పోషిస్తున్నారు. తాజాగా రిలీజ్ అయిన లుక్ లో సోనియా పాత్రకి ఆమె చాలా పర్ఫెక్ట్‌గా సెట్ అయ్యారని చెప్పాలి. మరి సినిమాలో ఆమె నటన ఎలా ?ఉంటుందో చూడాలి. ఈ సినిమాకు సంతోష్ నారాయణ సంగీతం అందిస్తుండగా.. వి సెల్యులాయిడ్, 3 అటుమ్న్ లీవ్స్ బ్యానర్లు సంయుక్తంగా నిర్మిస్తున్నాయి.
